پارێزەران بە مەبەستی سەردانکردنی ئیمرالی داواکارییان بەرز کردەوە
پارێزەرانی ڕێبەری گەلی کورد عەبدوڵا ئۆجەلان، بۆ ئەوەی لەگەڵ موەکیلەکەیان دیدار ئەنجام بدەن، داوای نوێیان بەرز کردەوە.
لە پارێزەرانی نوسینگەی یاسایی سەدە ڕازییە ئۆزتورک، جەنگیز یورەکلی، ئیبراهیم بیلمەز و عیمران ئیمەکچی، بە مەبەستی دیدار لە گەڵ ڕێبەری گەلی کورد عەبدوڵا ئۆجالان کە لە ژێر گۆشەگیرییەکی ڕەهادایە، داواکارییان ئاراستەی سەرۆکایەتی داواکاری گشتی بورسا و بەڕێوبەرایەتی زیندانی ئیمراڵی کرد. هەروەها پارێزەران داوای دیداریان لە گەڵ عۆمەر خەیری کۆنار و حامیلی یڵدرم و وەیسی ئاکتاش کرد، کە ئەوانیش لە زیندانی ئیمراڵین.
لە ٢٥ی ئاداری ٢٠٢١ـــەوە تا ئێستا هیچ زانیارییەک لە ڕێبەری گەلی کورد عەبدوڵا ئۆجالان بەردەست نییە.
پارێزەران هەفتەی دووجار بۆ بینینی ڕێبەری گەلی کورد داواکاری پێشکەش دەکەن، بەڵام هەتا ئێستا هیچ وەڵامێکیان نەدراوەتەوە.
لە ماوەی ١٢ ساڵی ڕابردوودا پارێزەران تەنیا ٥ جار توانیویانە ڕێبەری گەلی کورد عەبدوڵا ئۆجالان ببینن. دوایین کۆبوونەوەش لە ٧ی ئابی ٢٠١٩ ئەنجامدراوە.
