پارێزەرانی رێبەری گەلی کورد عەبدوڵا ئۆجالان بۆ ئەوەی بتوانن چاویان بە موەکیلەکەیان بکەوێت سەردانی داواکاری گشتیی کۆماری لە بورسا و بەڕێوەبەری زیندانی ئیمراڵییان کرد. سەردانەکە لەلایەن پارێزەرانی نوسینگەی یاسایی سەدە رازیە ئۆزتورک، رەزان ساریجا، فایەق ئۆزگور ئەرۆڵ و مەزڵوم دینچ ئەنجامدرا.

بەهەمان شێوە پارێزەران بۆ دیدارلەگەڵ موەکیلەکانی دیکەیان لە ئیمراڵی واتە هەریەک لە عومەر خەیری کۆنار، حامیلی یەڵدرم و وەیسی ئاکتاش داواکارییان پێشکەش کرد.

لە ٢٥ی ئاداری ٢٠٢١ەوە هیچ هەواڵ و زانیارییەک لەبارەی رێبەری گەلی کورد عەبدوڵا ئۆجالان بەردەست نییە.

هـ . ب