پارێزەران داوای بینینی ڕێبەر ئۆجالانیان کرد
پارێزەرانی ڕێبەر ئۆجالان بەمەبەستی سەردانیکردنیان بۆ ئیمرالی، داواکاری دیداریان پێشکەش کرد.
پارێزەری ڕێبەر ئۆجالان و زیندانیانی دیکەی ئیمرالی هەریەک لە عومەر خەیری کۆنار، هامیلی یڵدرم و ڤەیسی ئاکتاش بەمەبەستی چاوپێکەوتن لەگەڵ موەکیلەکەیان داواکاری دیداریان پێشکەش کرد.
هەریەک لە پارێزەران نەورۆز ئۆیسال، سەربای کۆکلو، ئیبراهیم بیلمەز و مەزڵوم دینچ سەردانی داواکاری گشتیی کۆماری بۆرسایان کرد و داوایەکی نوێی دیداری ئیمرالیان پێشکەش کرد.
شایانی باسە، ڕێزان ساریجا و نەورۆز ئۆیسال پارێزەرانی ڕێبەر ئۆجالان هەرەدوایی پاش هەشت ساڵ لە ڕۆژی ٢ و ٢٢ی مانگی ٥، و ١٨ی حوزەیران و ٧ی ئابی ٢٠١٩ توانیان سەردانی ئیمرالی بکەن و لەوکاتەوە تا ئێستا سەرجەم داواکاری دیدارەکان بە بەهانەی جیاجیا ڕەتکراونەتەوە یان وەڵام نادرێنەوە.
ف.ق
