لە پەرلەمانی تورک کاتێک گۆتوبێژ لەبارەی هێرشی داگیرکەری بۆسەر گارە دەکرا، وەزیری ناوخۆی تورک، باسی پەروەین بوڵدان هاوسەرۆکی هەدەپە کرد و بانگەشەی ئەوەی کرد کە بوڵدان بە پەرلەمانتارێکی ئاکەپەی وتوە، 'دیلەکانی شەڕ ماوەیەک دەکەنە میوان و دواتر ئازادیان دەکەن.'

پەروین بوڵدان لەمبارەیەوە وتی، راستی رووداوەکە بەم شیوەیەیە، 'پەرلەمانتاری ئاکەپە ئوزنور چەلیک، کاتێک کە من سەرۆکی فراکسیۆنی هەدەپە بووم، تەلفۆنی بۆکردم و وتی، دایکی دیلێک تووشی نەخۆشی شێرپەنجە بووە و دەیەوێت زانیاری لەسەر کوڕەکەی بزانێت. ئەو کاتە، سەردەمی گۆتوبێژ و چارەسەری بوو. پێم گوت، ئەگەر لەبارەی کوڕەکەی زانیاریەک بەدەست بهێنم، بە تەئکیدی ئاگاداری دەکەمەوە. زانیاری هات کە سەربازە دیلەکە باشە و بە چەلیکم گوت، تەندروستی دیلەکە باشە. هیوادارم لە ماوەیەکی نزیکدا ئازاد بکرێت. ئەوەی بتوانین درێغی ناکەین.

بە تەنها بەم شێوەیە قسەمان کرد و بانگەشەکانی دوورن لە راستیەوە."

ف.ق