بە مەبەستی هەڵگرتنی گۆشەگیری لەسەر ڕێبەری گەلی کورد عەبدوڵا ئۆجالان کە ماوەی ٣٢ مانگە هیچ هەواڵێکی لێ وەرناگیرێت و بۆ مسۆگەرکردنی ئازادی جەستەیی بەڕێزیان،'رێپێوانی ئازادی' بەرەو گەملیک دەستی پێکردووە و بەردەوام دەبێت.

بە پێشەنگایەتی کۆنگرەی دیموکراتی گەلان (حەدەکە)، پارتی یەکسانی و دیموکراسی گەلان (هدەپ)، بزووتنەوەی ژنانی ئازاد (تەژەئا)، فیدراسیۆنی کۆمەڵەکانی یاسایی و پشتیوانی لە بنەماڵەی زیندانیان و سزادراوانی مەد، کۆمەڵەی هاوکاری و پشتیوانی لە بنەماڵەی کەسوکاری ونبووەکانی ئەنادۆڵ، پارتی هەرێمە دیموکراتییەکان دەبەپە، نووسینگەی یاسایی سەدساڵ، کۆمەڵەی لێکۆڵینەوەی کورد و ناوەندی کولتووری میزۆپۆتامیا (نەچەم).

گوێ نەدەنە مەرج و بارودۆخی کەش وهەوا

لە ئەستەنبوڵ باران دەبارێت و ڕەشەبایە، بەڵام سەرەڕای ئەمە گەل لە شوێنە جیاوازەکانەوە لە باغجلار کۆبوونەوە. جەماوەرەکە بە جۆش و خرۆشێکی زۆرەوە بەرەو گۆڕەپانی کۆبوونەوەکە ڕۆیشتن. لە کاتی ڕێپێوانەکەدا چەپڵەیان لێدا و ئاوازیان خوێندەوە. زۆرجار دروشمی "بژی سەرۆک ئاپۆ" وترایەوە. ئەو کەسانەی کە هەست و سۆزی خۆیان سەبارەت بە ڕێپێوانە دەربڕی، ڕایانگەیاند کە بڕیاریان داوە بگەنە گەملیک.

جەماوەری گەل سەرلە بەیانی لە شارۆچکەی سیلیڤری، ئاڤجلار و بەیلیکدوزوو بە ئۆتۆمبێل گەیشتنە شوێنی کۆبوونەوەکە. گەل بە نیشانەی سەرکەوتن جۆش و حەماسەتێکی زۆریان پێوە دیار بوو.

لە شارۆچکەی ئەسەنیورتەوە جەماوەرێکی زۆر لە بینای هەدەپ کۆبوونەوە. جەماوەرەکە لە ٥ ناوچەی جیاوازەوە بەڕێکەوتبوون. لەوێ دروشمی "بژی سەرۆک ئاپۆ" وترایەوە.

لەناوچەی بایرامپاشا چالاکوانانی کۆبوونەوە و ڕایانگەیاند ئامانجی سەرەکییان ئازادی جەستەیی ئۆجالانە.

لە ناوچەی ئاراناڤوتکۆ جەماوەرێکی زۆر بەڕێکەوتن لەوێ جەماوەر بەرامبەر گۆشەگیری ڕێبەری گەلی کورد عەبدوڵا ئۆجالان، ناڕەزایەتیان دەربڕی.