رۆژی دووشەممە لە شاری گەڤلی سوید لە گۆڕەپانی ریدهوستن کاتژمێر ١٨:٠٠ چالاکی شەرمەزارکردن ئەنجامدرا.

کوردستانیان و دۆستە ئینتەرناسیۆنالیستەکانیان بەشداریان لە چالاکیەکەدا کرد. نووسەر ئاننا جۆرگنسدۆتر لە چالاکیەکەدا قسەی کرد و وتی، " هیچ بیانویەک بۆ قبوڵکردنی هەڵوێستی سوید نییە کە مامەڵە لەگەڵ دیکتاتۆرێک بکرێت."

ژین حاجۆ لەسەر ناوەندی کۆمەڵگەی دیموکراتیکی کورد لە سوید و فینلەندا وتی، " ئێوە لە دڵەوە کورد ئازار دەدەن. ئێوە نیگەرانیەکانی کورد زیاتر دەکەن."

بە ناوی چالاکوانە گەنجەکانیش کلاس ئیڤارسۆن قسەی کرد و وتی، " ئێمە لەدژی شەڕین و نامانەوێت لەگەڵ ئەردۆغانی دیکتاتۆر مامەڵە بکرێت."

لە چالاکیەکەدا موزیک و گۆرانی و شیعر لەدژی شەڕ پێشکەش کران.

ئینتەرناسیۆنالیستەکان لە چالاکیەکەدا ئاڵاکانی پەکەکە و پۆستەرەکانی عەبدوڵلا ئۆجالان ڕێبەری گەلی کوردیان بەرز کردەوە.

ف.ق