لە شاری دۆرتموندی ئەڵمانیا، شەهیدانی کۆمەڵکوژی پاریس بە چالاکییەک یادکرانەوە. کوردستانیانی شاری دویسبۆرگ و ئەسەن بەشداری چالاکییەکە بوون. یادەکە بە پێشەنگایەتی تەڤگەری ژنان ئەنجامدرا، وێنەی شەهیدان و ڕێبەری گەلی کورد عەبدوڵا ئۆجالان هەڵواسرا.

پاش خولەکێک ڕێزگرتن لە گیانی شەهیدان و داگیرساندنی مۆم لەسەر ناوی کۆماو، دایکە سەباحەت قسەی کرد، لە کەسێتی شەهیدانی پاریس هەموو شەهیدانی تێکۆشانی ئازادی کوردستانی بیرهێنایەوە و هەستی خۆی دەربڕی.

لەسەر ناوی تەڤگەری ژنان، نۆدا ئامەد تیشکی خستەسەر چالاکییەکانی گەریلا بەتایبەت لە زاپ و مەتینا، ئاماژەی بەوە کرد گەریلا سەرەڕای هەلومەرجە سەختەکان بەرخۆدانێکی نموونەیی دەکات، بۆیە پێویستە تێکۆشان بێسنور بێت.

هەروەها تیشکی خستەسەر گرنگی ڕێپێوانە مێژووییەکەی ١٧ ی شوباتی کۆڵن و گوتی "ئێمە ئەم ڕێپێوانەی لە کۆڵن ئەنجام دەدرێت دەکەینە وەڵامێک بۆ هاوڕێتییە کەمتەرخەمەکەمان دەرهەق بە ڕێبەرێتی. بۆیە لە ٧ تا ٧٠ ساڵی لە هەر کوێیەک بن، بێ ئەوەی چاوەڕێی مەجلیس و کۆمیتەکان بکەن، پێویستە خۆتان خەبات و پێشەنگایەتی بکەن".

لە چالاکییەکەدا هەڵبەستی شەهید ئارمانج کەربۆران خوێنرایەوە، پاش نیشاندانی سینڤزیۆنێک دەربارەی ژیانی شەهیدانی پاریس، یادەکە بە درووشمی "شەهید نامرن" و "بێ سەرۆک ژیان نابێ" و "ژن، ژیان، ئازادی" کۆتایی هات.