شەوی ڕابردوو لە کاتژمێر ٠٢:٠٠دا هێرشێک کرایە سەر بینای پارتی دیموکراتیکی گەلان (هەدەپە) لە ناوچەی کەچیرۆنی ئەنقەرە و تاوەکو ئێستا بە فەرمی لەلایەن پۆلیسەوە ناسنامەى هێرشبەرەکە ئاشکرا نەکراوە، ئەوە لە کاتێکدایە ڤیدیۆی هێرشەکە لە بەردەستدایە.

لە هێرشەکەدا پەنجەرەکانی بیناکە شکێنراون و هێرشبەرەکە چووەتە ناو بیناکەى هەدەپە و پۆستەر و لافیتانەى وێنەکانی سیاسەتمەداری کورد ئایسەل توغڵوک و ئاڵاکانی هەدەپەیان لەسەر بووە لەگەڵ خۆی بردووە.

بەرپرسانی هەدەپە پاش پشکنین و لێکۆڵینەوەی تۆماری کامێراکان سکاڵایان لە هێرشبەرەکە تۆمارکردووە.

بەرپرسانی هەدەپە ڕایانگەیاندووە، پێشتر چەندین جار هێرش کراوەتە سەر حزبەکەیان، بەڵام تا ئێستا هیچ ئەنجامێک لە سکاڵاکانیان و لێپێچینەوە لە تاوانکارانیان بەدەست نەکەوتووە.

ژ.ت