ئێشکگریی ئازادی ١٢ ساڵە لە شاری ستراسبۆرگی فەرەنسا بەردەوامە، چوار وڵاتپارێز لە شاری نورنبێرگی ئەڵمانیاوە ئێشکگرییەکەیان گرتەئەستۆ.

ڕۆنی ئالگور و مەزڵوم ئەرەن و ئیبراهیم دەمیر و محەمەد ئالگور کە چالاکییەکەیان گرتەئەستۆ، پەیامی مەزنکردنی تێکۆشانیان دژی گۆشەگیری دووپات کردەوە.

لەسەر ناوی گرووپەکە ڕۆنی ئالگور ڕایگەیاند لە ئیمراڵی تاوانی دژی مرۆڤایەتی ئەنجام دەدرێت، گوتی: "ڕێبەری گەلان بەڕێز عەبدوڵا ئۆجالان ١٢٦٥ ڕۆژە ناتوانێت چاوی بە بنەماڵەکەی و پارێزەرانی بکەوێت. کلیلی دادپەروەری و ئاشتیی ڕۆژهەڵاتی ناوین لە دوورگەی ئیمراڵییە. لە ئیمراڵی ئەشکەنجەی توند و گۆشەگیری دەسەپێنرێت. ئەگەر ئێوە لایەنگری دادپەروەری نەبن، ئێمە فیدایی ڕێبەر ئاپۆیین".