وەزیری دادی دەوڵەتی تورک، یڵماز تونچ دەربارەی پرسی 'داخۆ شاندەکەی دەم پارتی دەڕۆنە ئیمراڵی یا نا' وەڵامێکی لەم شێوەیەیی دایەوە: "گەر داواکاری پێشکەش بکرێت هەڵیدەسەنگێنین و ڕێگە بە چاوپێکەوتنی ئیمراڵی دەدەین."
وەزیری دادی دەوڵەتی تورک، یەڵماز تونچ پێش کۆبوونەوەی فراکسیۆنی ئاکەپە لە پەڕلەمان وەڵامی پرسیاری ڕۆژنامەوانانی دایەوە. پەیوەست بە پرسیاری ئەنجامدانی دیدار لەگەڵ ڕێبەر ئاپۆدا، وەزی داد باسی لەوەکرد شاندی ئیمراڵیی پارتی یەکسانی و دیموکراسی گەلان (دەم پارتی) پێشتر دووجار لە دوورگەی ئیمراڵی چاوپێکەوتنیان لەگەڵ ڕێبەر ئاپۆدا ئەنجام داوە و گوتی: "گەر داواکاری نوێ بۆ چوونە ئیمراڵی پێشکەش بکرێت، ئەوا هەڵیدەسەنگێنین و ڕێگە دەدەین چاوپێکەوتن ئەنجام بدرێت."
