لە ئیستەنبول پیرۆزبایی گەورەی نەورۆز لە ٢٠ی ئادار لە یەنی قاپی بە دروشمی "ئێمە بە ئاگری نەورۆز بەرەنگاری دەکەین و ئازاد دەبین" بەڕێوەدەچێت.

لە چوارچێوەی ئامادەکارییەکان بۆ ئاگری نەورۆز، یەکەم ئاگری نەورۆز لە گیوڤەرجین تەپە لە ناوچەى باشاک شەهیری ئیستەنبول لەلایەن دایکانی لەچک سپییەوە کرایەوە.

بەڕێوەبەرانی هەدەپە لەو ناوچەیە و سەدان هاووڵاتی بەشداری چالاکیی کردنەوەی یەکەم ئاگری نەورۆز لە ئیستەنبول بوون.

لە چالاکییەکەدا دروشمەکانی "بژی نەورۆز"، "بژی سەرۆک ئاپۆ" و "بژی بەرخودانی کۆبانێ" وترانەوە و هاوکات سڵاو لە ١٠٧هەمین رۆژی چالاکیی مانگرتنی زیندانیان کرا.

لە دەوری ئاگری نەورۆزدا گۆڤەند و شایی گێڕدرا و فیشەکی هەوای و بریسکە و فیشەکی ئاگرین تەقێنران.

 گەنجانی بازیان بەسەر ئاگرەکەدا دەدا و بۆ پیرۆزبایی ئاهەنگە گەورەکەی نەورۆز لە ٢٠ی ئادار لە یەنی قاپی بانگەواز بڵاوکرایەوە و داوا لە هەموان کرا بەشداری بن.

 لە پیرۆزباییەکەدا جگە لە بەشداریی گەنجان، هاوکات بەشداریی کرێکاران و ژنان زۆر گەورە و بەهێز بوو و چالاکیەکە بە جۆش خرۆشەوە بەڕێوەچوو.

ژ.ت