بۆ یادی ساکینە جانسز (سارا)، فیدان دۆغان (ڕۆژبین)، لەیلا شایلەمەز (ڕۆناهی)، ئەمینە کارا (ئەڤین گۆیی)، میر پەروەر و عەبدولڕەحمان کزڵ کە لە دوو کۆمەڵکوژی دەوڵەتی تورک لە پاریس شەهید بوون، کوردستانیانی ئەوروپا و دۆستەکانیان خۆیان بۆ ڕێپێوانێکی مەزن ئامادە دەکەن.

لە چوارچێوەی ئامادەکارییەکان بۆ ڕێپێوانەکە لە درانسی، ڤیل لێ بێل، گرینی، ئێڤری و ناوەندی پاریس، بە سەردانی ماڵ و دوکانەکان، ئەنجامدانی کۆبوونەوەی گشتی، هەڵواسینی پۆستەرەکان چالاکیی ئەنجام دەدرێت. هەروەها بە ئۆتۆمبێلی بانگەشە، بانگەوازی بۆ ڕێپێوانی ٦ی کانوونی دووەمی پاریس گار دو نۆرد ئەنجامدرا.

ئۆتۆمبیلەکە نزیکەی 12 کاتژمێر بە دەوری پاریس و دەوروبەری شارەکانی دەسوڕێتەوە و بە پیشاندانی وێنە و بەسەرهاتی شۆڕشگێڕە شەهیدکراوەکان داوای 'دادپەروەری بۆ کورد' دەکات.

لە ڕاگەیەندراوی کۆمیتەی ئامادەکاریدا، هاتووە،"لە ٦ی تشرینی دووەم ئێمەی کورد، لەگەڵ هاوڕێەکانمان، هێزی ڕێکخستنیمان نیشان دەدەین و پلانەکانی پشت ئەو کۆمەڵکوژییانە لەناو دەبەین".