نۆتیس میتاراچی وەزیری کۆچ لە لێدوانێکیدا بۆ رۆژنامەی ئەلەفتێرۆس تایپۆس وتی: لە سەرەتای ئەمساڵەوە رێگری لە تێپەڕبوونی ١٥٤ هەزار و ١٠٢ کۆچبەر کراوە. تەنها لە مانگی ئابدا نزیکەی ٥٠ هەزار کەس هەوڵیان داوە بچنە یۆنان.

حکومەتە بنئاژۆخوازەکەی یونان لە ساڵی ٢٠١٩ هاتە سەر دەسەڵات و کۆنترۆڵکردنی سنوورەکانی وەک یەکەم هەنگاو ڕاگەیاند. لە راگەیەنراوێکدا کە مانگی رابردوو بڵاویکردەوە، حکوومەتی یۆنان رایگەیاند، دیواری سنووری نێوان تورکیا و یۆنان بۆ ماوەی ٤٠ کیلۆمەتر دروستکراوە، دەیەوێت ٤٠ کیلۆمەتری دیکەش زیاد بکات.

حکومەت کامێرای گەرمی و ٢٥٠ پاسەوانی سنوور بڵاودەکاتەوە.

یۆنان بە رێڕەوێکی ترانزێت ناسراوە بۆ ئەو کۆچبەر و پەنابەرانەی لە رۆژهەڵاتی ناوەڕاست و ئەفریقاوە دەیانەوێت بچنە ناو خاکی یەکێتی ئەوروپا.

هەزاران کەس لە هەوڵی ئەوەدان تورکیا و دەریای ئیجە بپەڕنەوە و بگەنە یۆنان.

هەروەها یۆنان ڕەخنەی لێدەگیرێت بەهۆی دیپۆرتکردنەوەی کۆچبەران بە زۆرەملێ کە وەک کارێکی نامرۆڤانە لەقەڵەم دەدرێت.

ف.ق