چالاکی ئێشکگری کە لەسەر سنووری پیرسوسی رحا لەسەر سنووری کۆبانێ لە دژی هێرشەکان لەسەر باکوور و ڕۆژهەڵاتی سووریا دەستی پێکردوە، چالاکییەکە بە پێشەنگایەتی پارتی هەرێمە دیموکراتیکەکان (دەبەپە) و تەڤگەری ژنانی ئازاد (تەژەئا) و پارتی یەکسانی و دیموکراسی گەلان (دەم پارتی) لە ڕۆژی ١٣هەمیندا بەردەوامە.

هاوسەرۆکی ناوچەی سەورەگی دەم پارتی سەلما گۆزگوو ئاماژەی بەوەکرد کە گەلان لە باکوور و ڕۆژهەڵاتی سووریا بۆ مرۆڤایەتی تێدەکۆشن و گوتی: "لەو ڕێپێوانەی کە دوێنێ ئەنجاماندا نیشانماندا کە بە چ ئامانجێکەوە لێرەین. بینمان کە فەلسەفەی 'ژن ژیان ئازادی' لە ڕۆژئاوا ئەزموونکرا. لەبەر ئەوەش دەبێت ئێمەی ژن ڕۆژئاوا بپارێزین".

هاوسەرۆکی ناوچەی سەورەگی دەم پارتی عەلی دوساک گوتی: "لە ڕۆژئاوا سیاسەتی شەڕی پیس بەڕێوەدەچێت. کۆبانێ نەکەوت، ماسکی ئەوان کەوت. یەکێتی کوردان بە مانای هەنگاوی یەکەمی بونیاتنانی ئازادی دێت و ئەو مۆدێلە کە لە لایەن ڕێبەرێتییەوە بونیاتنراوە. کورد بۆ هەموو گەلانی جیهان نمونەیە".

ڕاگەیاندراوەکە بە دروشمی "بژی بەرخۆدانی ڕۆژئاوا"، چەپڵە و هەلهەلە کۆتایی هات.