کۆمەڵەی مافەکانی مرۆڤی ئیستەنبوڵ و وەقفی مافەکانی مرۆڤی تورکیا، بەبۆنەی ١٠-١٧ ی کانوونی یەکەم، هەفتەی مافەکانی مرۆڤ، لە بینای کۆمەڵەکە چالاکی "ئێشکگری مافەکانی مرۆڤ"یان ئەنجامدا.

بەڕێوەبەرانی کۆمەڵەی مافەکانی مرۆڤی ئیستەنبوڵ و وەقفی مافەکانی مرۆڤی تورکیا و کەسانی تر بەشداربوون. باس لە پێشێلکارییەکانی مافی مرۆڤ لە زیندانەکان و ڕەوشی زیندانییە نەخۆشەکان کرا و تیشکخرایە سەر مانگرتن لە خواردن.

نوێنەری وەقفی مافەکانی مرۆڤی تورکیا، ئومێد عەفە ڕایگەیاند، لە دوایین ڕۆژی هەفتەی مافەکانی مرۆڤدا، دژی ئەشکەنجە و گۆشەگیری و ئەشکەنجەدانی مناڵ، ئێشکگری بۆ مافەکانی مرۆڤ دەگرین.

پاشان سەرۆکی کۆمەڵەی مافەکانی مرۆڤی ئیستەنبوڵ، گوڵسەرەن یۆلاری، گوتی: "ئەم بەرنامەیە دەریدەخات لەم قۆناغەی بەردەمماندا چۆن تێکۆشان بکەین، ئێمە لە شەویشدا مۆم بۆ مافەکانی مرۆڤ دادەگیرسێنین. بانگەوازی هەمووان دەکەین بۆ چالاکییەکە".