چالاکییەکانی ئێشکگری دادپەروەری بۆ ئازادی ڕێبەری گەلی کورد عەبدوڵا ئۆجالان و چارەسەری سیاسی بۆ پرسی کورد، لە ئامەد و وان و مێردین و ئەزمیر و مێرسین بەردەوامە.

لە چالاکییەکەی ئامەد چالاکوانان سەرەڕای هەلومەرجی ساردی کەشوهەوا، درێژە بە بەرخۆدان دەدەن و ڕایانگەیاند گۆشەگیری تاوانێکی مرۆڤایەتییە.

چالاکییەکەی وان ٥٣ ڕۆژە بەردەوامە، هاوسەرۆکی ناوچەی پایزاڤای دەم پارتی، عەبدولجەبار ئەردەمیر ڕایگەیاند، ئەوان دژی گۆشەگیری ٣٥ مانگەی سەر ڕێبەری گەلی کورد عەبدوڵا ئۆجالان بەرخۆدان دەکەن و چالاکی هاوڕێ زیندانییەکانیان دەگەیەننە ئامانج.

چالاکییەکەی مێردین ٢٠ ڕۆژە بەردەوامە، دایکی ئاشتی لەتیفە ئاکیوز دووپاتی کردەوە بۆ ڕێبەری گەلی کورد عەبدوڵا ئۆجالان و زیندانیان چالاکی دەکەن و داوای کرد گۆشەگیری کۆتایی بێت و ڕێبەری گەلی کورد عەبدوڵا ئۆجالان ئازاد ببێت.

چالاکییەکەی ئەزمیر ١٥ ڕۆژە بەردەوامە، لە چالاکییەکەدا پانکارتی "بەرخۆدان دژی گۆشەگیری" و "لەپێناو دادپەروەری کۆتایی بە گۆشەگیری دەهێنین، لەپێناو ئاشتی دەبینە دەنگی زیندانەکان" بەرزکرانەوە.

چالاکییەکەی مێرسین ٥٤ ڕۆژە بەردەوامە. لە چالاکییەکەدا پەرلەمانتاری دەم پارتی پەریهان کۆچ دوا.

پەریهان گوتی: "ئەگەر داواکانمان جێبەجێ نەکرێت، بەرخۆدان مەزنتر دەکەین، بەرخۆدانمان گۆشەگیری دەشکێنێت".

سەرۆکی کۆمەڵەی پشتیوانی و هاریکاری بنەماڵەی زیندانیان و حکومدراوانی چوکرۆڤا، ئەرگین ئاڵتونتاش گوتی: "بانگەواز لە هەموو ڕێکخراوە مەدەنییەکان و ڕای گشتی و هونەرمەند و نوسەران و ڕێکخراوە دیموکراتیکەکان و گەلانی تورکیا دەکەین، بۆ شکاندنی گۆشەگیری بە هەستیارییەوە بجووڵێنەوە".