لەپێناو هەڵگرتنی گۆشەگیری چڕ لەسەر رێبەری گەلی کورد عەبدوڵا ئۆجالان و مسۆگەر کردنی ئازادی جەستەیی ئۆجالان لە زۆر شار چالکی ئێشکگریی دادپەروەری دەستیپێکردووە و هاوکات لە زیندانەکانیش بۆ هەمان مەبەست مانگرتن لە خواردن بەردەوامە.

لە ئامەد مێرسین، ئەدەنە، وان و ئیستەنبوڵ چالاکیەکانی ئێشکگریی دادپەروەری ئەمڕۆش بەردەوام بوون و لەلایەن گەلەوە چالاکگێڕان بەسەرکرانەوە.  

ئامەد

لە ئامەد ئێشکگریی دادپەروەری بە پێشەنگایەتی توئای-دەر دەستیپێکراوە و لە ناوچەی رەزان لە بینای دەم پارتی بەڕێوەدەچێت و ئەمڕۆ هاوسەرۆکی دەبەپەی ئامەد سوڵتان یارای و چەندین کەسایەتی سەردانی چالاکوانانیان کرد و پشتیوانی خۆیان بۆ چالاکیەکە دەربڕی و داوای کۆتاییهێنان و هەڵگرتنی گۆشەگیرییان کرد.

وان

لە وان چالاکی دادپەروەری لەلایەن توئای-دەر و کەسوکاری زیندانیان دەستیپێکردووە و لە رۆژی دەیەمیندایە.

دانیشتوانی گەڕەکەکانی سەلیمبەی و یالی لەگەڵ بەڕێوەبەرانی چەڤ-دەری وان سەردانی چالاکوانانیان کرد و پشتیوانی خۆیان بۆ چالاکوانان دووپات کردەوە و دایان کرد گۆشەگیری لە ئیمراڵی کۆتایی پێبهێندرێت.

مێرسین

ئێشکگریی دادپەروەری لە بینای توئای-دەر لە چوکورۆڤای بە بەشداری دایکانی ئاشتی و نوێنەرانی رێکخراوە مەدەنییەکان بەردەوامە.

لە ١١یەمین رۆژی چالاکیەکەدا گوڵێ کانپۆلات یەک لە چالاکوانان قسەی کرد و وتی، "داوادەکەین گۆشەگیری سەر رێبەر ئاپۆ و زیندانیان هەڵبگیرێت. تا ئازادبوونی رێبەر ئاپۆ درێژە بە چالاکیەکانمان دەدەین. رێبەر ئاپۆ ئازاد نەبێت ئێمەش ئازاد نابین".

ئەدەنە

ئێشکگریی دادپەروەری لە بینای توهای-دەر بە بەشداری دایکانی ئاشتی و کەسوکاری زیندانیان ١١ رۆژە بەردەوامە. لە دایکانی ئاشتی بەزپ ئۆروچ لە مەراسیمەکەدا قسەی کرد و رایگەیاند، خاوەنداری لە چالاکی مانگرتن لە خوارنی زیندانیان دەکەن کە لە پێناو تێکشکاندنی گۆشەگیری سەر رێبەری گەلی کورد عەبدوڵا ئۆجالان دەستپێکردووە و جەختیکردەوە کە لەوپێناوەدا "ئێمەش لێرە لە ئێشکگرییداین".

هـ . ب