پەروین بوڵدان هاوسەرۆکی گشتی هەدەپە لە ناوچەی کوچوکچەکمەجەی ئەستەنبوڵ بەشداری لە مەراسیمی موحەڕەمدا کرد لە دەرگای گاریپ دەدە.

بوڵدان لە مەراسیمەکەدا قسەی کرد و وتی،"ئازار و زوڵم کە لەبەرانبەر عەلەویەکان ئەنجامدراوە و ئەنجام دەدرێت، هەستی پێدەکەین. عەلەویەکان لەسەر ئەم خاکە زوڵمێکی زۆریان بینیوە. وەک کورد، وەک ئەرمەن و سوریانیەکان."

بوڵدان ئەوەی خستەڕوو کە هەموو کاتێک بەرخۆدێرەکان بەرانبەر زاڵمەکان دەوەستنەوە و وتی،"پێویستە بزانرێت کە هەموو کاتێک بەرخۆدێرەکان لەدژی زاڵمەکان سەردەکەون. کاتی تێکچوونی زاڵمەکان نزیکە."

بوڵدان ڕاشیگەیاند کە هیوادارم کە مانگی موحەڕەم ببێتە هۆی ئاشتی، ئازادی و برایەتی.
ز.ش