چالاکیی دایکانی ئەو زیندانییانەی لە دژی گۆشەگیریی سەر رێبەری گەلی کورد عەبدوڵا ئۆجالان لە چالاکیی مانگرتندان، لە ناوەندی گشتیی پارتی دیموکراتی گەلان (هەدەپە - HDP) لە رۆژی شەشەم دایە. نوێنەرانی ژنانی هەدەپە و دەبەپەی شار و ناوچەکان، لەچکی سپیان لەسەر کرد و سەردانی دایکانیان کرد. دایکان لە هۆڵی کۆبوونەوەی فراکسیۆنی هەدەپە لە پەرلەمانی تورکیا پێشوازییان لە میوانەکان کرد.

یەکێک لە دایکان بەناوی ئایفەر بیتمەن لە کاتی سەردانی میوانەکان قسەی کرد و رایگەیاند، ئەوان بۆ رۆڵەکانیان لە ئەنقەرەن و کاتێک دەست بخەینە ناو دەستی یەکتر دەتوانن دەنگیان بگەیەنن.

یەسوورە توفان وتی: "بۆ ئەوەی دەنگی رۆڵەکانمان بگەیەنین، لەوانەیە کەمێک درەنگیش کەوتبین، بەڵام پێکەوە دەنگی خۆمان دەگەیەنین".

 توفان داوای لە بەرپرسان کرد، کە دەستبەجێ هەنگاو بنێن و وتی: "بێ ئەوەی کەسێک بمرێت، بێ ئەوەی درەنگ بێت، دەبێت هەنگاو بنرێت، ئەگەر چاوەڕوانی سبەینێ بکەین درەنگ دەبێت".

نەزاهەت تەکەش وتی: "تاوەکو دەست نەدەینە دەستی یەکتری ناتوانین سەربکەوین. لێرە دەمێنینەوە ز بەرخۆدان دەکەین هەتا زانیارییەکی خێردار وەرنەگرین ناگەڕێینەوە".

تەکە داوای لە بەرپرسان کرد، کە دەنگیان ببیستن و داواکاریی رۆڵەکانیان جێبەجێ بکەن.

حسێن گەوهەر هاوسەرۆکی هەدەپە لە ئەنقەرە رایگەیاند، ئەوان لەگەڵ ئەو دایکانەن کە بۆ رۆڵەکانیان چالاکی دەکەن و بۆ ئەوەی دەنگیان بگەینن هەرچییەکیان لەدەست بێت دەیکەن.

ر.م