مەراسیمی یادکردنەوەی گەریلاکانی هەپەگە لە لایەن دەزگای خانەوادەی شەهیدان لە بەرلین لە ناوەندی کۆمەڵگای دیموکراتیکی کورد (نەجەدەکە – NCDK) بەرێوەچوو و خانەوادەی گەریلا و نوێنەرانی دەزگا کوردیەکان بەشداریان تێدا کرد.
نووژیان گونەی هاوسەرۆکی ناوەندی کۆمەڵگای دیموکراتیکی کورد (نەجەدەکە – NCDK) لە سەرەتای مەراسیمەکە قسەی کرد و سەرەخۆشی لە خانەوادەی شەهیدان کرد و وتی، "ئەم هاورێیانە شەهیدی دەستپێک و کۆتایی نین. ئێمە باش دەزانین ئەردۆغان، ئاکەپە – مەهەپە ئەم باڕباڕیە بە تەنها ناکەن. ئەگەر هێزەکانی پشتیان نەبن، ناتوانن ئەم کارانە بکەن. بەڵام دەبێت هەموو کەسێک باش بزانێت، ئاکتۆری سەرەکی ڕۆژهەڵاتی ناوەڕاست گەلی کوردە و هیچ کاتێک خۆیان ناکەن بە قوربانی."
گوزە چالکان بە ناوی خانەوادەی شەهیدان قسەی کرد و وتی، "گەنجەکانمان عاشقی برسیەتی، سەرما و مردن نین. ئەوان بۆ ئازادی گیانیان بەخت کرد. پێویستە ئێمە خاوەنداری لە شەهیدان و میراسەکەیان بکەین."
قوتبەدین گولەر مامی شەهیدیش ڕایگەیاند، شەهید، شەهیدی گەلی کوردی بەشەرەفە.
موحەرەم قادر سیاسەتمەداری کوردیش لە مەراسیمەکەدا ئاماژەی بەوەدا، لە هەموو دەستکەوتێکدا ڕەنج و خەباتی شەهیدان هەیە. بەو هۆیەوە دوژمن لە هەموو شتێک زیاتر هێرش دەکاتە سەر هێزەکانی گەریلا."
هەروەها بۆ رێپێوانی ١٢ی ئەم مانگە بە ئارمانجی شەرمەزارکرندی گەلەکۆمەی نێودەوڵەتی بانگی بەشداریکردن کرا.
ف.ق