لە شاری مارسیلیای فەرەنسا لەلایەن بزووتنەوەى گەنجانى شۆڕشگێڕەوە بە بۆنەى ٤١هەمین ساڵیادى دامەزراندنى پەکەکەوە رێپێوانێک رێکخرا و ساڵیادی دامەزراندنى پەکەکە پیرۆز کرا.

نزیکەى ١٠٠ گەنج لە ماریانی مارسیلیا کۆبوونەوە و ساڵیادی دامەزرادنی پەکەکەیان پیرۆزکرد. گەنجان فانۆسیان بە دەستەوە گرت و بە تەقاندنی فیشکە شێتە ساڵیادی دامەزراندنى پەکەکەیان پیرۆزکرد.

گەنجان لەو چالاکییەدا رێپێوانێکیان ئەنجامدا و لە رێپێوانەکەدا بۆ ئازادیى عەبدوڵا ئۆجالان رێبەری گەلی کورد دروشم وترانەوە و پۆستەرێک  کە لەسەری نووسرابوو "لە پێناو ئاشتییەکى هەمیشەیى لە رۆژهەڵاتى ناوەڕاستدا ئازادی بۆ ئۆجالان" بەرزکرابوویەوە. هەروەها پۆستەرەکانى ئۆجالان و ئاڵاکانى پەکەکە بەرزکرابوونەوە.

دواى ئەوەى بزووتنەوەى گەنجانى شۆڕشگێڕ لە مارسیلیا وتەیان پێشکەش کرد، چالاکییەکە بە وتنەوەى دروشمی "بژی سەرۆک ئاپۆ" و بە چڕینى سرودی چەرخی شۆڕش کۆتایى پێهات.

ر.م