لە هیلبۆرنی ئەڵمانیا یادی شەهیدان کرایەوە
لە شاری هیلبۆرنی ئەڵمانیا یادی شەهیدانی تێکۆشانی ئازادی کرایەوە.
یادەکە لەلایەن ناوەندی کۆمەڵگەى کورد لە هیلبۆرن رێکخرا و ژمارەیەکى زۆر لە وڵاتپارێزان تیایدا بەشدار بوون.
لە مەراسیمەکەدا یادی قاسم ئەنگین ئەندامی کۆمیتەى ناوەندیی پەکەکە، خەیری گارزان، سیفان شاهین و ئاگر قەندیل بەرز راگیرا، کە لە هێرشی ئاسمانیی فڕۆکە جەنگییەکانى دەوڵەتى تورکدا شەهید بوو بوون.
دواى خولەکێک بێدەنگی و رێزگرتن سینەفیزیۆنێک نمایش کرا.
باوکی خەیری گارزان بە تەلەفون لە کوردستان بەشداری یادەکە بوو و وتی "خەیری دووەمین شەهیدی ئێمەیە. من پێیان سەربەرزم، کە باوکی دوو شەهیدم".
یادەکە بە وتنەوەى دروشم کۆتایی پێهات.
ژ.ت
