لە ناوچەی شەمرەخی مێردین ١٦ کرێکار بۆ کۆکردنەوەی فندق وەک کرێکار چووبوونە ساکاریا. خاوەند کار و گوندنشینان هێرشیان کردە سەر کرێکارە کوردەکان. دوای هێرشەکە کرێکارەکان بۆ مێردێن بەڕێکەوتن. لە کاتی هێرشەکەدا کە وێنەکەشیان بڵاوکراوەتەوە دەردەکەوێت کە کرێکارە کوردەکان ڕووبەڕووی هێرشی خاوەن کار و گوندنشینە تورکەکان بوونەتەوە.

بارش دەمیر کە یەکێکە لەو کرێکارانە ڕایگەیاند، بەر لە هێرشەکە لەنێوان ئەوان و خاوەن کارەکەدا هیچ کێشەیەک نەبووە و وتی،"سەرلەبەیانی بۆ کارکردن چووینە ناو باخچەکە. خاوەن کارەکە بە ئێمەی وت (گەلە سەگ) و بەو شێوەیە قسەی نەشیاوی بە ئێمە وت. بۆیەش ئێمە لە باخچەکە چووینە دەرەوە.

دەمیر ئاماژەی بەوەشکرد کە خاوەن کارەکەش بەهۆی ئەوەی کرێکارەکان کاریان بەجێ هێشت دەستی بە هەڕەشە کرد و وتی،"بۆ ئێرە وڵاتی ئێوەیە. ئێرە وڵاتی ئێمەیە و وتی، لەو کاتەدا هێرشیان کردە سەرمان و ٨ کەس هێرشیان کردە سەر ٣ کرێکار و بە دار و بەرد لە ئێمەیاندا."

دوای هێرشەکە کرێکارەکان بەرەو مێردین کەوتنە ڕێ.

ف.ق