چالاکییەکە لە بەردەم ئۆپێرای کارسپلاتز لە شاری ڤییەنای پایتەختی نەمسا بەڕێوەچوو و تیایدا دروستکردنى دیوار لەلایەن دەوڵەتى تورک لە عەفرینیش ئیدانە کرا.

چالاکییەکە لەلایەن ناوەندی کۆمەڵگەى دیموکراتیکى کورد لە ڤییەنا رێکخرابوو و تیایدا هێرشی پاکتاوکارانەى دەوڵەتى تورک و داگیرکەریى لە عەفرین ئیدانە کرا.

لە چالاکییەکەدا راگەیاندراو بڵاوکرانەوە و زانیاری بۆ رای گشتی لەبارەی هێرشەکانى دەوڵەتى تورک بۆ سەر باشووری کوردستان و دروستکردنى دیوار لەلایەن دەوڵەتى تورکەوە لە عەفرین خرایەڕوو.

ر.م