چالاکوانانی مافەکانی مرۆڤ، هونەرمەندان و فیمینستەکانی ئەرجەنتین بۆ پشگیریکردن لە بەرخۆدانەکانی گەلی کورد چالاکییەکیان ئەنجامدا. لە چالاکییەکەدا کە پێشوازییەکەی زۆری لێکرا، فیلمی 'کۆبانێ' نمایشکرا و پەیامی دڵسۆزی و پشتگیردان درا بە بەرخۆدانی گەلی کورد.

هونەرمەندان پەیامیان نارد

سینەماکار میگوێل میررا، شانۆکار میرتا ئیسرائیلی و چالاکوان سوزانا ئانکارۆلا ئامادەی تەماشاکردنی فیلمی کۆبانێ بوون. بەشداربووان پەیامی پشتگیردانی خۆیان بۆ شۆڕشی ڕۆژئاوا نارد.

میگوێل میرا: تێکۆشانی گەلی کورد و بە تایبەت تێکۆشانی ژنانی کورد سەرنجی ڕاکێشاوم. ئێمەی ئەرجەنتینی تێکۆشانی ئازادی بەڕێوەدەبەین، تێکۆشانی گەلانی دیکە وەک تێکۆشانی خۆمان دەبینین.

میرتا ئیسرائیل: لێرەین و خواستمان پێکهێنانی ئازادی بەڕێز عەبدوڵا ئۆجالانە. باوەڕمان وایە ئازادی گەلی کورد پەیوەستە بە ئازادی ئۆجالانەوە.

سوزانا ئانکارۆلا: خواستمان ڕاوەستاندنی هێرشەکانی دەوڵەتی تورکە. تێکۆشان و ڕۆڵی تەڤگەری ژنانی کوردستان لە گۆڕانکاری کۆمەڵایەتی و ئازادیدا زۆر مانادارە.

فیمنیستەکان پشتگیرییان دایە بەرخۆدانی تشرین

فیمینیستانی ئەمریکای لاتین بە نامەیەک پشتگیرییان دایە شۆڕشی ژنانی کوردستان و بەرخۆدانی تشرین. لە نامەکەدا دەستنیشان کراوە لە کەسێتی شەهید ئارژین کۆبانێدا خاوەندارییان لە تێکۆشانی ژنان کراوە و باس لەوەکراوە شۆڕشی ژنانی ڕۆژئاوا شۆڕشی ژنانی جیهانە.

لە نامەکەدا سوپاسی تێکۆشان و بڕیارداری شەڕڤانانی یەپەژە کراوە و پەیوەستبوونی خۆیان بۆ ئازادی ژنانی کورد هاوبەش کردووە. نامەکە بەم ڕستەیە کۆتای هاتووە: "تێکۆشانی هاوبەشی ژنان کە هەموو سنورەکانی تێپەڕ کردووە. جێگەی بایەخداریی و باوەڕمانە."