بەرخۆدانی بنەماڵەی شەنیاشار بەردەوامە

ئەمڕۆ ٢٣١ ڕۆژە بنەماڵەی شەنیاشار لە بەرخۆداندان و داوای دادپەروەری دەکەن.

ئەمینە شەنیاشار و کورەکەی فەرید شەنیاشار کە سێ کەسی بنەماڵەکەیان لە لایەن پاسەوان و خزمانی پەرلەمانتارێکی ئاکەپە بە ناوی  ئیبراهم خەلیل یڵدزەوە کوژران ، ٢٣١ ڕۆژە لە بەرخۆدانی ئێشکگری بۆ دەادپەروەریدان.

سێ کەسە کووژراوەکە یەکێکیان هاوسەری ئەمینە شەنیاشارە و دووانیش کوری ئەون، لە هێرشەکەدا فەرید شەنیاشاریش بریندار ببوو، بەڵام ئێستا لە گەڵ دایکی خۆی لە بەرخۆداندایە و داوای دادپەرەری دەکەن.

رووداوەکە لە ١٤حۆزێرانی  ساڵی ٢٠١٨ لە ناوچەی پرسۆسی سەر بە پاڕێزگای روحا ڕوویدا و تا ئێستاش بکووژەکان سزا نەدراون.

بنەماڵەی  شەنیاشار لە بەرەبەیانیەوە دەستیان بە  چاڵاکی" ئێشکگری بۆ دادپەروەری"کرد و لە بەردەم دادگای روحا لە چالاکی خۆیان بەردەوامن.

هەروەها  لەهەژماری تایبەتی بنەماڵەی شەنیاشار پەیامێک راگەیەنرا کە بەم شێوەیەیە، " دایکێکی جگەرسووتاو کە ماڵەکەی وێران کراوە ٢٣١ ڕۆژە بەرخۆدان دەکات. ئێمە لە بەرانبەر ئەم کردەوەیە بێدەنگ نابین."

ف.ق