دوای ئەوە لە ژێر فشاری تورکیا دوو رۆژ لەمەوبەر نەخشەی کوردستانی گەورە لە زانکۆی زاخۆ لابرا،  ھیچ بەرپرسێی حیزبی و سیاسی باشوری کوردستان لەبەرامبەر ئەو ھێرشەی دەوڵەتی تورک، ھەڵوێستی پێشان نەدا و بەپێچەوانەوە بێدەنگیان ھەڵبژارد.

لەبەرامبەردا غەریب حسۆ ھاوسەرۆکی تەڤگەری کۆمەڵگای دیموکراتی( تەڤ دەم) لە رۆژئاوای کوردستان لە توێتێکدا ھەڵوێستی خۆی ڕاگەیاند و ئاماژەی بەوەکرد:" ھەموو کەسێک شانازی بە نەخشەی وڵاتی خۆیەوە دەکات، ئێمەش بەھەمان شێوە شانازی بە نەخشەی وڵاتەکەمانەوە دەکەین".

ئەو بێدەنگیەی  بەرپرسانی ھەرێمی کوردستان و پەدەکە کە لە ناوچەکە باڵادەستە لەکاتێکدایە کە بەردەوام لەسەر ڕاگەیاندنەکان  بانگەشەی کوردایەتی دەکەن، بەڵام وەک دیاربوو لەم رووداوەدا، بانگ و هەڵوێستیان تەنھا بۆ خەڵەتاندنی کۆمەڵگای کوردیە.

ف.ق