زانرا کە دەوڵەتی تورک لە گوندەکانی ئاکونس، گۆڤان، لانیلان، خولەپور، کەکولان، سوراح، پەرتاوان، مەزرا پسیان، گەلی نەمران، دەستا ئۆڤی، دەشتا کاڤلتین و حوزەرانی ناوچەی خیزانی بەدلیس، لە چەندین ناوچەی دیکەش ئۆپراسیۆنی سەربازییان دەستپێکردووە.

بە گوێرەی زانیارییەکان بە سەدان سەرباز و جەردەوان بەشدارییان لە ئۆپراسیۆنەکەدا کردووە و لە ناوچەکە جموجۆڵی ئاسمانی زیادی کردووە. لە هەمان کاتدا هەلیکۆپتەر چەندین جار دارستانەکانیان بۆردومان کردووە.

سەرچاوە هەرێمیەکان ئەوەیان خستەڕوو کە گوندی حوزەران گەمارۆ دراوە و هاتنەناوەوە و چوونە دەرەوە لەو گوندە لە رێگەی کۆنترۆڵکردنی ناسنامەوە ئەنجام دەدرێت.

ئۆپراسیۆنەکە لەناوچەکە بەردەوامە.

هـ. ب