پەنابەری سیاسی خەڵکی باکووری کوردستان حسێن ئاراسان ٩ی حوزەیران لە بەردەم بینای رێکخراوی کرێکارانی مێزۆپۆتامیا لە سلێمانی بەهۆی هێرشێکی چەکدارییەوە بە سەختی بریندارببوو.

 دوای یەک رۆژ مانەوە لە نەخۆشخانە و سەرباری هەوڵەکانی پزیشکان بەرەبەیانی رۆژی ١٠ی ئەم مانگە ئاراسان شەهیدبوو و دواتر تەرمەکەی بە مەراسیمێک گواسترایەوە بۆ گۆڕستانی شەهیدان لە قەندیل و لەوێ بە خاکسپێردرا.

لە سلێمانی لە بەردەم بینای رێکخراوی کرێکارانی مێزۆپۆتامیا خێمەی پرسە بۆ حسێن ئاراسان داندراوە و سەردان بۆ پرسەکە بەردەوامە. شاندێک لە کەمپی پەنابەرانی شەهید رۆستەم جودی (مەخمور) بەمەبەستی بەشداری لە پرسەکە سەردانی خێمەکەیان کرد. ساندەکە سەرەخۆشی لە بنەماڵە و هەڤاڵانی حسێن ئاراسان کرد.

پێشبینی دەکرێت تا کاتژمێر ١٧:٠٠ پرسەی ئاراسان بەردەوام بێت.

هـ . ب