هەپەگە-نەڕەچە ناسنامەی هەشت گەریلای ئاشکرا کرد کە لە کاتی جیاوازدا لە باکووری کوردستان شەهید بوونە و گوتی: "بە ڕێز و شکۆدارییەوە یادی هاوڕێیانمان پالە، شەوگەر، زاگرۆس، هارون، تێکۆشین، سەفکان، لاشەر و چیاگەر دەکەینەوە."
ڕاگەیاندراوەکەی ناوەندی ڕاگەیاندن و چاپەمەنی هەپەکە (هەپەگە-نەڕەچە) بەم شێوەیەیە:
"گەریلایەتی لە باکووری کوردستان لە مێژووی تێکۆشانی ٤٠ ساڵەماندا ڕۆڵێکی مەزن و کاریگەری گێڕا. باکووری کوردستان بووە یەکەم گۆڕەپان کە گەریلایەتی لێیەوە دەستپێکرا، یەکەم فیشەکی تێیدا تەقێندرا و درێژە بە تێکۆشانێکی بەردەوام درا. لە باکوور لە بارودۆخی زۆر سەختدا و بە کەمترین دەرفەت بەرخۆدانی داستانی و چیرۆکی قارەمانێتی ئافرێندرا. بەرخۆدانی قارەمانێتی گەریلاکانی باکوور لە بەرانبەر هێرشەکانی دەوڵەتی تورکی قڕکەر و میتینگەر بووە قەڵغانێک. لەم تێکۆشانەدا بە بوێری، فیداکارییەکی مەزن و ڕوحی فیدایی ئاپۆییەوە بەڕێوەبرا، لە پاراستنی هەبوون و شکۆی گەلەکەماندا مانادارترین کاتەکانی لە مێژووی تێکۆشانماندا ئافراند.
بێگومان ئەم تێکۆشانە لەسەر هێڵی فیدایەتی بە ڕەنج و خوێنی شەهیدانی قارەمانمان بەڕێوەبردرا. لەو پرۆسە دژوارەی تێکۆشاندا، شەهیدمان داوە بەڵام بەهۆی بارودۆخی شەڕەوە لە کاتی خۆییدا زانیارییەکان لەسەر شەهیدبوونیان ڕوون نەکراوەتەوە. لە ئەنجامی لێکۆڵینەوەکانمان و ئەو زانیارییە نوێیانەی کە لەبەر دەستماندان بۆمان دەرکەوت هاوڕێیانمان پالە، شەوگەر، زاگرۆس، هارون، تێکۆشین، سەفکان، لاشەر و چیاگەر شەهید بوونە. لەسەر ئەم بنەمایە بەڕێز و شکۆدارییەوە یادی هاوڕێیانی شەهیدمان دەکەینەوە.
زانیارییەکان لەسەر ناسنامەی هاوڕێیانی شەهیدمان بەم شێوەیەیە:
ناسناو: پالە ڕێڤان
ناو و پاشناو: عەبدی ئەمەکچی
شوێنی لە دایکبوون: مووش
ناوی دایک و باوک: گولو - عەلی
کات و شوێنی شەهیدبوون: ٢٤ـی حوزەیرانی ٢٠١٩ / دێرسیم
***
ناسناو: شەوگەر ڕۆژگەر
ناو و پاشناو: هارون سونە
شوێنی لە دایکبوون: شڕناخ
ناوی دایک و باوک: فەیسە - سەلیما
کات و شوێنی شەهیدبوون: ـی حوزەیرانی ٢٠١٩ / دێرسیم
***
ناسناو: زاگرۆس زیلان
ناو و پاشناو: ئیحسان ئەتمانی
شوێنی لە دایکبوون: سەڵماس
ناوی دایک و باوک: فاتیمە - جیهانبەخش
کات و شوێنی شەهیدبوون: ٢٩ـی ئەیلوولی ٢٠١٧ / بەستا
***
ناسناو: هارون جڤیان
ناو و پاشناو: هارون کارای
شوێنی لە دایکبوون: جۆلەمێرگ
ناوی دایک و باوک: ئینجی - محێدین
کات و شوێنی شەهیدبوون: تشرینی دووەمی ٢٠٢٠ / گارزان
***
ناسناو: تێکۆشین سەرحەد
ناو و پاشناو: سەراب کایە
شوێنی لە دایکبوون: ئەرزڕۆم
ناوی دایک و باوک: پەرێشان - ڕەشید
شوێنی شەهیدبوون: دێرسیم
***
ناسناو: سەفکان ساڵەح
ناو و پاشناو: فەرهاد ئاتەش
شوێنی لە دایکبوون: ئامەد
ناوی دایک و باوک: ئایتەن - شەهموس
کات و شوێنی شەهیدبوون: ٣ـی تەممووزی ٢٠٢٠ / دێرسیم
***
ناسناو: لاشەر مونزور
ناو و پاشناو: ئەرجان چەتین
شوێنی لە دایکبوون: دێرسیم
ناوی دایک و باوک: شەهریبان - نوری
کات و شوێنی شەهیدبوون: ٢١ـی تشرینی دووەمی ٢٠٢١ / دێرسیم
***
ناسناو: چیاگەر تۆڵهەڵدان
ناو و پاشناو: ئادەم گۆز
شوێنی لە دایکبوون: وان
ناوی دایک و باوک: فاتیمە - عیرفان
کات و شوێنی شەهیدبوون: ٢١ـی تشرینی دووەمی ٢٠٢١ / دێرسیم."
