پرۆفیسۆر نایف بەزوان باسش چانەیە کەرڎ پەنەوازا سیاسەت و گلېرگەو کوردی جە ڕوو سەروازی، فیکری، ستراتیجی و وتارێوە پەی سەردەمی تازەی ئاماڎە بۆ و واتش: "پەنەوازا ئیجارە کورد بۆ بە داراو مافو دیاریکەردەیی چارەنوویسو ۋێش."
پرۆفیسۆر. د. نایف بەزوان ئاماژەش پانەیە دا کە دماو جەنگو ئیسرائیل-ئێرانی ۋەرکۊتوو مېیامینی پایێش وستې دلې پرۆسێوە ئەوەفاڕیای جیۆپۆلەتیکی تازەیۆ و دەسنیشانش کەرڎ مژارو کوردی ئینا مېیانو ئی ئەوەفاڕیا تازەینە.
پرۆفیسۆر. د. نایف بەزوان شارەزاو بوارو سیاسەتی پېوەس بە ئەوەفاڕیایەکا ۋەرکۊتوو مېیامینی پەی ئاژانسیما قسېش کەردې و ئاماژەش پانەیە دا مردای جەنگو بەینو ئیسرائیل-ئێرانی ئاژێوە کاتییا، بەدەر جە ئاېێربەسی بە مەعناو سەرجەنۆ متەیرەیۆ پرۆسێوە تازەین جە هەرێمەکەنە.
د. بەزوان بانگەشەو ئانەیشە کەرڎ سنوورو سیاسی و سرووشتی دۊڵەتو ئێرانی دماو جەنگەکەیۆ پېسە وەڵتەری نمەبۆ و واتش، ۋەرکۊتوو مېیامینی پڕانۆ پەی سەردەمێوە تازەو ئەوەفاڕیای.
'نەخشەو جیۆپۆلەتیکی ئەوەفاڕا'
د. بەزوان ئاماژەش بە کۆو مەترسییەکا کەرڎ سەرو ئیساتې دەسەڵات و هەژموونو ئێرانی و واتش: "دژایەتی ئۆپۆزسیۆنەکا گۊرەتەرین تەرسینە سەرو ڕژێمو ئێرانی، هەرپاسە پېوەس بە کورداوە فام پانەی مکەرمې ئیتر یەرې پې ستاتۆو کۆڵۆنیالی لەرزۆک بیەن کە دماو ساڵەکا ١٩٢٠یوە بەتایبەت بە پەیماننامەو لۆزانی و پەیماننامە سنوورییەکا بنیاڎ نریابې. پۊکەی هەرێمەکە و کوردەسانیچ ئینې پرۆسێوە فرە گرنگ و کاریگەرەنە و ئینې پرۆسەو لەرزای جیۆپۆلەتیکینە."
'دەرفەتەکې ئینې ئیسفاڎەو مژارو کوردانە'
د. بەزوان سەرنجش وست سەرو ئەوەفاڕییایەکا و واتش: "ئینایمې قۆناغێوەنە کە بە ئەگەرێوە فرۆ ڕژێمو ئێرانی فاڕیۆ و سەرجەنۆ سنوورەکې مجیاراوە. هەروێش پرسو کوردی بە نەمەنەی ئی ستاتۆ کۆڵۆنیالیا متاویۆ چارەسەر بکریۆ. جە ڕوو جەوهەرییوە پی فاڕیایە متاویۆ چارەسەر بکریۆ."
'کوردەسان ئینا دلې پرۆسەکەینە'
د. بەزوان جەختش سەرو کاریگەری ئەوەفاریایەکا سەرو مژارو کوردی کەرڎۆ و واتش: "پېوەس بە کوردیوە ئانەی پەنەوازا بکەرۊش جە ڕوو سیاسەتی و گلېرگەیۆ جە مژارو ئەوەفاریایە هەنووکەییەکا وردبۊوە. جە ئیسەنە ئێرانەنە پرۆسەو ئەوەفاڕای ڕژێمی خێرا بیەن و ئەر جە ئیسەیچەنە بە زەقی نەبۆ بەڵام ئاماژەکێش بەرکۊتێنې. چی چوارچێوەنە سەرەڕاو پلانڕێژی سیاسی، جە ئاستی نەتەوەیی و مېیاننەتەوەییچەنە هەوڵوێسی تازە نیشانە مڎریۆ. بێگومان کوردەسان ئینا مېیانو ئی پرۆسەینە."
پەنەوازش بە سیاسەتێوە یۆگێرتە و هەڵوێسێوە هامبەشی هەن'
د. نائیف بەزوان ئاماژەش پانەیە کەرڎ، وەختې تەماشەو تاریخو سەدەو ٢٠ی مکەرمې موینمې پرسو کوردی شکسۍ جیۆپۆلۆتیکیش وارڎەن و واتش: "ئەر نەتاوا سیاسەتێوە یۆگێرتە بنیاڎ بنیا، نمەتاوا هەڵوێسێوە هامبەش ئەرەمەرزنا، جە ۋەرا ۋەرو دەسکاریکەردەیە ستراتیجییەکانە نەتاودې ۋێتا پارێزندې و جە ۋەرا ۋەر بە پێکئامایەکا بەرهەمئاوردەی زاناینە نەتاودې برەو بە زانیاری ۋێتا بڎەیدې، میکانیزمو ۋێتا پەی قەرارە ستراتیجییەکا بنیەیدێرە، کام پڕۆسە جیۆپۆلۆلۆتیکەی دەردەتا مووەرۆ، بێگومان پڕۆوە پەی قۆناغێوە پاسشە سەر مې دەردەتا نەوەرۆ. ئیساتې ئینایمې ساتەوەختێوە پی جۆرەنە. پېسە گلېرگەی و سیاسەتی پەنەوازا ۋێما پەی ئی ئەگەرا ئاماڎە بکەرمې.
وەڵې گرڎ چێوێنە پەنەوازا سیاسەتێوە یۆگێرتە بنیاڎ بنریۆ. ئی سیاسەتە یۊگێرتە پا مەعنې نمې کە گرڎ کەسې واز جە شناسنامەو ۋێشا بارا؛ پا مەعنې مې کە جە چوارچێوەو بەرژەوەندیی هامبەشی، داواو ئازادی و مافو دیاریکەردەی چارەنوویسینە (self-determinasyon) دەورو یۆیرە کوې بیمێوە. پەی ئی مژاریە هەم دلې سنوورە هەنووکەییەکانە، هەمیچ جە جبەرو سنوورەکانە پەنەوازا هەڵوێسێوە هامبەش نیشانە بڎریۆ و ستراتیجێوە هامبەش بنیاڎ بنریۆ.
بەڕاسی کات نییا تاوەکو بە هەدەرش دەیمې. گلېرگە و سیاسەتو کوردی جە ڕوو سەروازی، فکری، ستراتیجی و قسێوە پەنەوازا ئامادە بۆ پەی سەردەمی تازەی. ۋەرو ئانەی ئەوەفاڕیایە تازەکې ڕووە مڎا، سنوورەکې فاریا. کورد ئی جارە پەنەوازا مافەکاش و پەنەوازیەکاش self-determinasyon جە دەس نەڎۆ."
