بەپێی زانیاریەکان، بەڕێوەبەری گرتووخانەکە فشاری لەسەر ژنان دروست کردووە کە بەشداری لە خولی ئیداری ببن.

گیراوانی ژن کە ئەو فشارانەیان قبوڵ نەکردووە، لە مافی قسەکردن بە تەلەفۆن بێبەشکراون و چوونە دەرەوە بۆ حەوشەش بۆ کاتژمێرێک لە رۆژێکدا کەمکراوەتەوە.

هەروەها هەڕەشە و کردەوەی نامرۆڤانە لە بەرانبەر ژنان ئەنجامدراوە. گیراوانی ژنیش ٣ رۆژە دەستیان بە مانگرتن و سووتاندنی بەتانیەکان کردووە.

باسی ئەوە دەکرێت کە بەرپرسانی گرتووخانەکە، گیراوانیان خستووەتە نێو حوجرە و ئەشکەنجە دراون.

بەرخۆدانی ژنان بەردەوامە و لە رێگەی خانەوادەکانیان داوایان لە ڕای گشتی کرد، بێدەنگ نەبن.

لە ڕۆژهەڵاتی کوردستان پێشێلکردنی مافی مرۆڤ زیادی کردووە. کۆمەڵەی مافەکانی مرۆڤ کوردستان لە ڕاپۆرتێکیدا باسی لە زیادبوونی رووداوی کوشتن، خۆکوشتن، ئەشکەجە و دەستگیرکردن کردووە. بەپێی ڕاپۆرتەکە بە شێوەیەکی گۆماناوی ٣ کەس لە زیندادا گیانیان لەدەستداوە. ٨ کۆڵبەر کوژراون و ٤٩ کۆڵبەریش دەستگیرکراون.

ف.ق