لە کەمپی چەمشکۆ ئاگر کەوتەوە: ٢ منداڵی شەنگالی گیانیان لەدەستدا
ئاگر لە چوار خێمەى کامپى چەمشکۆ، کە هاوڵاتیانى ئێزدى تێدا نیشەجێن کەوتەوە و بەهۆیەوە دوو منداڵ گیانیان لەدەستدا.
ئەمڕۆ ئاگر لە کامپى چەمشکۆ لە شاری زاخۆی باشوری کوردستان کە هاوڵاتیانى ئێزدى تێدا نیشەجێن کەوتەوە.
بەگوێرەی زانیاریەکان، چوار خێمە سووتاون و بەو هۆیەوە ٢ منداڵی شەنگالی تەمەن یەک ساڵ و چوار ساڵ، گیانیان لەدەستداوە.
دەگوترێت ئاگرەکە بەهۆی شورتی کارەباوە کەوتووەتەوە.
جێی بەبیرهێنانەوەیە کە لەم ماوەیەی دواییدا چەندین جار رووداوی ئاگرکەوتنەوە لە کەمپی ئێزدیان دەکەوێتەوە.
ف.ق
