رێورەسمەکە لە هۆڵی پارتی یەکێتی دیموکراتی (پەیەدە) لە تربەسپی سازکرا. بە دەیان دانیشتووان، خانەوادەی شەهیدان، نوێنەرانەی دەزگاکانی خۆبەڕێوەبەری هەرێمی جزیر و پارتە سیاسیەکان بەشداریان لە رێورەسمەکەدا کرد.

لە شوێنی رێورەسمەکە وێنەی عەبدوڵلا ئۆجالان ریبەری گەلی کورد و شەهیدان هەڵواسران.

دوای خولەکێک رێزگرتن، وێنەی ٢٩ی شەهیدی هەپەگە\ یەژەئاستار، یەپەگە و یەپەژە، هێزەکانی ئاسایشی ناوخۆ، پۆلیسی هاتوچۆ و تەڤگەری کۆمەڵگەی دیموکراتی (تەڤ – دەم) پیشاندران و گوێ لە قسەکانی رێبەر ئۆجالان لەبارەی شەهیدان گیرا.

دواتر حەج عەبدی خەلەف ئەندامی ئەنجومەنی خانەوادەی شەهیدانی تربەسپی قسەی کرد و ئاماژەی بە هێرشی چەتەکانی جەبهە ئەلنوسرە، داعش و دەوڵەتی داگیرکەری تورک کرد و رایگەیاند، کچ و کوڕانی ئەم هەرێمە لەدژی هێرشەکان بەرخۆدانیان کرد و هێرشەکانیان تێکشكاند.

عەبدی بەڵێنیدا کە تاوەکو خەیالی شەهیدان بۆ بنیاتنانی کۆمەلگەی ئازاد و دیموکرات بەدی نەیەت، تێکۆشانیان گەشتر دەبێت.

دواتر ناوی ٢٩ شەهیدەکە خوێندرایەوە. رێورەسمەکە بە دروشمی  ' شەهید نامرن' کۆتایی هات.

ف.ق