پەکەکە یادی شەهیدانی مانگی ئایاری کردەوە و ڕایگەیاند: "گەریلا و گەلی کورد خۆیان لەسەر هێڵی شەهیدان پەروەردە دەکەن، بە پێشەنگایەتیی بەرخۆدانی زاپ و ئاڤاشین لە هەموو ڕۆژێکدا داستانی قارەمانی دەنووسن و بە دڵنیاییەوە فاشیزمی ئاکەپە و مەهەپە دەڕوخێت".
کۆمیتەی بەڕێوەبەری پەکەکە بە بۆنەی مانگی ئایاری شەهیدانەوە ڕاگەیەندراوێکی بڵاوکردەوە و ڕایگەیاند، لە بەرەکانی جەنگدا شەهیدی نوێ دەدەن و پێویستە گەنجانی کورد بەباشی لەو فەرماندە ئازایانە تێبگەن، بە شێوەیەکی ڕاست و دروست خاوەنداری و پشتیوانییان لێ بکەن و لە ژێر فەرماندەیی مەعنەوییاندا، کە لە هەموو شوێنێکدا هەڵمەتی جەنگی شەڕی گەلی شۆڕشێگێڕی بەڕێوەدەچێت، دەبێت هێڵی سەرکەوتن و سەرفیرازی گەش بکرێت.
لە راگەیەندراوەکەدا هاتووە:
"ئێمە تەڤگەری ئازادیی کۆمەڵگەی کوردستان و گەلی کورد لە ناو بەرخۆدانی مێژوویی گەریلا قارەمانەکانی زاپ و ئاڤاشین دا دەچینە ٤٦هەمین مانگی ئایاری شەهیدان. لە بەرەکانی جەنگدا شەهیدی نوێ دەدەین. قارەمانترین و ئازاترین ژنان و پیاوانی گەلی کورد لە زاپ و ئاڤاشین و لە هەر چوار پارچەی کوردستان لە دژی دوژمنی پاکتاوکار و فاشیست بە شێوەیەکی قارەمانانە بەرخودان دەکەن. کاتی ئەوە هاتووە فاشیزمی ئاکەپە و مەهەپە بڕوخێنرێت و سیستمی ئەشکەنجەی ئیمراڵی تێکبشکێنرێت. لەسەر ئەم بنەمایە سڵاو لە هەموو ئەو کەسانە دەکەین، کە بۆ ئازادیی کوردستان و تورکیای دیموکراتیک تێدەکۆشن و هیوای سەرکەوتنیان بۆ دەخوازین. لە کەسایەتیی ئاگر و شارستان-دا بە ڕێزەوە یادی شەهیدانی قارەمانی بەرخۆدانی زاپ و ئاڤاشین دەکەینەوە.
زۆر ڕوون و ئاشکرایە فاشیزمی ئاکەپە و مەهەپە، چەتە فاشیستەکانی خۆی دەنێرێتە سەر گەل و بزووتنەوەکەمان، بەبێ ئەوەی بڵێت مانگی ڕەمەزانە و ڕۆژووە. لە ١٧ی نیسانەوە هێرشێکی داگیرکەری کرایە سەر زاپ و ئاڤاشین. ئەمریکا و پارتی دیموکراتی کوردستان (پەدەکە) بە شێوەیەکی سەرەکی پشتگیریان لەو هێرشە داگیرکارییە کرد. بۆ ئەوەی لە نەوت و گازی سروشتی پارەی زیاتریان دەستبکەوێت، ڕشتنی خوێنی گەنجان بە شتێکی بەئاسایی دەزانن. ئێستا بەبێ ئەوەی بڵێت، جەژن و پەرستن و عیبادەتە، بەردەوامە لە هێرشە داگیرکەرییەکەی. جەژن، کە دەبێت بە پەرۆشییەوە پیرۆز بکرێت، بۆ گەلی کورد و تورکیای کردووە بە ژەهر. دەسەڵات تەنیا دەیەوێت بەم شێوەیە ژیانی خۆی درێژ بکاتەوە و ژیانی خۆی وەک خوێنمژێک ژیانی خۆی لەسەر خوێنمژین بنیاتناوە.
خوێنمژەکانیش ناتوانن فاشیزمی ئاکەپە و مەهەپە ڕزگار بکەن
دەبێت ئەوەش باش بزانرێت، کە خوێنمژی و زوحاکێتیش ئیتر ناتوانێت فاشیزمی ئاکەپە و مەهەپە ڕزگار بکات. گەریلا و گەلی کورد لەسەر هێڵی فیدایی و بەرخۆدانی ئاپۆیی و لەسەر رێگای شەهیدە قارەمانەکان بەرەنگاری و بەرخودان دەکەن. بە پشتیوانیی هێزە شۆڕشگێڕ و دیموکراتیکەکان، تێگەشتن و سیاسەتی پاکتاوکاری و داگیرکەری لە مێژوودا دەخەنە ژێر گڵ. گەریلا و گەلی کورد، کە خۆیان لەسەر هێڵی شەهیدان پەروەردە دەکەن، بە پێشەنگایەتیی بەرخۆدانی زاپ و ئاڤاشین خۆیان هەموو ڕۆژێک دەکەنە تۆمارکردنی داستانی قارەمانانە تۆمار دەکەن و بە دڵنیاییەوە فاشیزمی ئاکەپە و مەهەپە دەڕوخێت. هەموو رۆژی ساڵی پەنجاهەمینی بونیاتنانی ئاپۆیی دەکەنە نەورۆز و گۆڕەپانەکانی بەرخودان و هەڵمەتی کات کاتی ئازادییە، کە بە ئامانجی ئازادیی جەستەیی ڕێبەر ئاپۆیە بەڕێوەدەچێت، بە دڵنیاییەوە بە سەرکەوتن و سەرفیرازی دەگات.
تێکۆشان دژی خیانەت لەسەر هێڵی قەرەسۆنگور
بێگومان ئەمە لە سایەی هێزی شەهیدە قارەمانەکانمان، کە لە مانگی ئایاردا شەهید بوون بەدی دێت. چوونە ناو مانگی ئایار لەسەر بنەمای ١ی ئایاری شکۆمەندە. ٣٩ ساڵ لەوە پێش لە ٢ی ئایاردا محەمەد قەرەسونگور یەکەم ئەندامی کۆمیتەی ناوەندی پەکەکە و یەکەم بەرپرسی سەربازی و ئیبراهیم بیلگین شۆڕشگێڕ و جەنگاوەری پارتەکەمان لە قەندیل شەهید بوون. هەروەها دەبێتە ساڵیادی شەهیدبوونی هەڤاڵانی فەرماندەی ناوچەى ئامەد ئازاد سیسەر و چاکدار ئامەدە.
لە ساڵیادی شەهیدبوونیاندا بە ڕێزەوە یادی هەڤاڵانمان محەمەد قەرەسونگور و ئیبراهیم بیلگین، ئازاد سیسەر و چاکدار ئامەدە دەکەینەوە و بەڵێنمان دووپات دەکەینەوە، کە یادیان بە زیندویی رادەگرین. پێش هەموو شتێک داوا لە گەنجانی کورد و گەلی دەکەین، کە بەباشی لەم فەرماندە ئازایانە تێبگەن و بە دروستی پشتیوانی و خاوەندارییان لێ بکەن و دەبێت لە ژێر فەرماندەیی مەعنەویی ئەواندا لە هەموو شوێنێکدا هەڵمەتی جەنگی شۆڕشگێڕیی گەلی بەڕێوەبچێت و دەبێت سەرکەوتن و سەرفیرازی گەش بکرێت.
نابێت ئەوەشمان لەبیر بچێت هەڤاڵ محەمەد قەرەسونگور فەرماندەی نەمری بەرخۆدانی حیلوان و سیوەرەگ بوو. دواتر بەرخۆدان لەسەر بنەمای ئەزموونە بەهێزەکانی بەرخۆدانی حیلوان و سیوەرەگ بونیاتنرا و بەڕێوەچوو. ئەگەر ئەو بەرخۆدانە لە حیلوان و سیوەرەگ ئەنجام نەدەدرایە، ئەوا پەکەکە بوونی نەدەبوو و کوردبوونی ئازادی ئێستا پێکنەدەهات. شۆڕشی نەتەوەی دیموکراتیک و شۆڕشی ئازادیی ژن و ڕێکخستنی گەل و گەریلا پێکنەدەهات.
هه‌ڤاڵ محه‌مه‌د قه‌ره‌سونگور وێڕای فه‌رمانده‌ی نه‌مری گه‌ریلا مه‌عسوم كۆركمازیش له رۆژهه‌ڵات و باشوریش نه‌یده‌توانی ئاماده‌كاری گه‌ریلایه‌تی بكات. وێڕای هه‌ڤاڵ ئیبراهیم بیلگین كاتێك ویستی كه یه‌كێتی نه‌ته‌وه‌یی گه‌لی كورد پێكبهێنێت، شه‌هید بوو. ئه‌گه‌ر به‌هۆی ئه‌و ئاماده‌كارییه كردارییانه‌وه نه‌بووایه هه‌ڵمه‌تی گه‌ریلاكان له ١٥ی ته‌باخ و گه‌شه‌سه‌ندنه‌كانی ٤٠ ساڵی رابردووی گه‌ریلاكانی ئازادی كوردستان ده‌سته‌به‌ر نه‌ده‌بوون.
هه‌ڤاڵ قه‌ره‌سونگور زۆر خوازیاری ئه‌وه‌بوو كه یه‌كێتی نه‌ته‌وه‌یی پێكبهێنرێت ئه‌مڕۆ ده‌بینین كه ئه‌نجامه‌كانی پێكنه‌هێنانی یه‌كێتی نه‌ته‌وه‌یی به چ شێوه‌یه‌كه. روون و به‌رچاوه كه نۆكه‌ری و خیانه‌ت له سه‌ر هه‌بوونی نه‌ته‌وه‌یی گه‌لی كورد بووه‌ته گورگێكی خوێنمژ و له رووی مێژووییه‌وه رێگه‌ی له‌به‌ر چیی كردووه‌ته‌وه. خۆی له خۆیدا پێویسته له به‌رامبه‌ر نۆكه‌ری و خیانه‌تدا له‌سه‌ر هێڵ و رێبازی قه‌ره‌سونگور تێكۆشان بكرێت و بۆ ئافراندنی یه‌كێتی نه‌ته‌وه‌یی كوردانیش پێویسته مرۆڤ وه‌ك قه‌ره‌سونگور ره‌نج بكێشێت.
هاوڕێیانمان ئازاد و چه‌كدار هێشتاش رێنیشانده‌رن
فه‌رمانده‌كانی ناوچه‌ی ئامه‌د هاوڕێ ئازاد سیسه‌ر و چه‌كدار ئامه‌د كه ئێمه له شه‌شه‌م ساڵیادی شه‌هیدبوونی ئه‌وانداین، له دژی هێرشه پاكتاوكارییه‌كانی فاشیزمی ئاكه‌په-مه‌هه‌په له‌سه‌ر بنه‌مای 'پلانی چالاكی له‌ناوبردن' یه‌كه‌م به‌رخودانی گه‌وره‌یان نیشاندا و له‌سه‌ر ئه‌و بنه‌مایه‌ش رێگایان نیشندا. ئه‌گه‌ر ئه‌و كاته به‌رخودانی قاره‌مانانه له ئامه‌د و ده‌ره‌وه‌ی ئه‌وێ نه‌بووایه، ئه‌مڕۆ له زاپ و ئاڤاشین له دژی فاشیزمی ئاكه‌په-مه‌هه‌په به‌رخوانی قاره‌مانانه نه‌ده‌كرا. له‌م كاته‌دا هاوڕێ ئازاد و چه‌كدار به پراكتیكی خۆیان هێشتاش رێنیشانده‌رن، به‌رده‌می ئێمه وه‌ك ته‌ڤگه‌ر و گه‌لی كورد روناك ده‌كه‌نه‌وه. له‌سه‌ره‌تادا ژنان و گه‌نجان ئێمه داوا له ته‌واوی گه‌لی ئامه ده‌كه‌ین كه به دروستی له‌و فه‌رمانده قاره‌مانانه تێبگه‌ن، به به‌هێزی خاوه‌ندارییان لێبكه‌ن و به‌ره‌و به‌رخودانی سه‌ركه‌وتنی مێژوویی هه‌نگاو بنێنن.
ئێمه سه‌ركه‌وتنی به‌رخودانی گه‌ریلا ده‌كه‌ینه دیاری بۆ ده‌نیزه‌كان
گه‌له وڵاتپارێزه‌كه‌مان و گه‌لی توركیا!
٦ی گوڵانی ئه‌مساڵ په‌نجاهه‌مین ساڵیادی شه‌هیدبوونی رێبه‌رانی شۆڕگێڕ ده‌نیز گه‌زمیش، یوسف ئاسلان و حسێن ئینانه كه له‌لایه‌ن به‌ڕێوه‌به‌رایه‌تی فاشیستی ١٢ی ئادار له ئه‌نقه‌ره-ماماك له‌سێداره‌دران. به‌ر له هه‌موو شتێك ئێمه ئه‌و سێ شۆڕشگێڕه كه هێمای بوێری، ئیراده و بڕوان، ده‌نیز گه‌زمیش، یوسف ئاسلان و حسێن ئینان له په‌نجاهه‌مین ساڵیادی شه‌هیدبوونیان به رێز و پێزانینه‌وه به بیردێنینه‌وه و په‌یمان دوباره ده‌كه‌ینه‌وه كه ئامانجه‌كانی ئه‌وان سه‌ربخه‌ین. سه‌ركه‌وتنی به‌رخودانی گه‌وره‌ی گه‌ریلا كه ئێمه له زاپ و ئاڤاشین به‌ڕێوه‌ی ده‌به‌ین، ده‌یكه‌ینه دیاری ئه‌و پێشه‌نگانه‌ی گه‌ریلاكانی توركیا و كوردستان.
باش ده‌زانرێت كه به‌ر له په‌نجا ساڵ توركیا له سه‌رده‌مێكی یه‌كلاكه‌ره‌وه‌ی مێژووییدابوو و ئه‌مڕۆش ئه‌و قۆناغه به‌رده‌وامه. ئه‌و تێكۆشانه گه‌وره‌یه‌ی ئه‌مڕۆ به‌ره‌و كۆتایی ده‌چێت ئه‌و كاته هاته‌ئاراوه. ئه‌وانه‌ی له‌سه‌ر بنه‌مای كوده‌تای سه‌ربازی ١٢ی ئاداری ١٩٧١ ویستیان توركیا بگه‌ڕێننه‌وه بۆ دیكتاتۆریه‌تی سه‌ربازی-فاشیست، دیكتاتۆری ئه‌مڕۆی ئاكه‌په-مه‌هه‌په‌ی پاكتاوكه‌ریان خوڵقاند. ئه‌وانه‌ی كه به پێشه‌نگایه‌تی ده‌نیز گه‌زمیش، ماهیر چالان و ئیبراهیم كاپاكایا ویستیان توركیای دیموكراتیك دابمه‌زرێنن، له‌سه‌ر ئه‌و بنه‌مایه‌ی به‌رخودانی قاره‌مانانه رێپێوانی سه‌ركه‌وتنی بزوتنه‌وه‌ی شۆڕشی یه‌كگرتوو، به‌رخودانی گه‌ل و گه‌ریلایان ئافراند. له‌سه‌ر ئه‌و بنه‌مایه، لێپرسینه‌وه‌یه‌كی مێژوویی له ئارادایه له كه‌سایه‌تی ئاكه‌په-مه‌هه‌په‌دا سیاسه‌ت و مێشكی فاشیست-پاكتاوكه‌ر هه‌ڵده‌ته‌كێنرێت.
بڵێسه‌ی ده‌نیزه‌كان ناكوژێته‌وه
دیاره كه په‌نجا ساڵی رابردوو به به‌تاڵی تێپه‌ڕنه‌بووه. دیاره كه ئه‌و بڵێسه‌یه‌ی كه ده‌نیز، یوسف و حسێن دایانگیرساند ناكوژێته‌وه، به‌پێچه‌وانه‌وه گۆڕدراوه بۆ ئاگری شۆڕشگێڕی و به‌ده‌ست گه‌ریلاوه كه شمشێری ئازادی و دادپه‌روه‌رین، بووه‌ته هێزێك كه سه‌رجه‌م سته‌مكاران له‌ناو ده‌بات. ئه‌م هێزه ئێستا به به‌رخودان له زاپ و ئاڤاشین مێژوو ده‌نوسێته‌وه و ده‌نیز گه‌زمیش، یوسف ئاسلان و حسێن ئینان كه‌به‌ر له په‌نجا ساڵ بڵێسه‌ی یه‌كه‌میان لێدا، له به‌رخودانی ئێستای مێژووییدا یادیان ده‌كرێته‌وه. بزوتنه‌وه‌ی ئاپۆیی كه به‌ر له په‌نجا ساڵ ئاڵای ئه‌و به‌رخودانه‌ی هه‌ڵدا، ئه‌مڕۆ له‌گه‌ڵ هه‌موو هێزه دیموكراتیك و شۆڕشگێڕه‌كانی توركیا له ژێر ئاڵای هه‌به‌ده‌هه هه‌وڵ ده‌دات كوردستانی ئازاد و توركیای دیموكراتیك بونیات بنێت.
له‌سه‌ر ئه‌و بنه‌مایه ئێمه پێشه‌نگانی شۆڕشی توركیا ده‌نیز گه‌زمیش، یوسف ئاسلان و حوسه‌ین ئینان جارێكی تر به رێزه‌وه یاد ده‌كه‌ینه‌وه، داوا له هێزه دیموكرات و شۆڕشگێڕه‌كان، كرێكاران و ره‌نجده‌ران، ژنان و گه‌نجانی توركیا ده‌كه‌ین كه به‌رخودانی شۆڕش كه به‌ر له په‌نجا ساڵ ده‌ستیپێكردوه به دروستی لێی تێبگه‌ن، له كه‌سایه‌تی شه‌هیدانی قاره‌مانی ئه‌و قۆناغه مێژووییه ده‌نیز، یوسف و حسێن خاوه‌نداری له‌م قۆناغه مێژووییه بكه‌ن، له دژی هێرشكاری فاشیستی ئاكه‌په-مه‌هه‌په كه هه‌وڵ ده‌دات ته‌واوی كوردستان داگیر بكات له هه‌موو گۆڕه‌پانێكی توركیا به‌رخودانی دژه فاشیستی به‌هێز بكه‌ن و كۆتایی به فاشیزمی ئاكه‌په- مه‌هه‌په بهێنن.
ئێمه هه‌موو شه‌هیدانی قاره‌مان له مانگی گوڵان به رێز و پێزانینه‌وه به بیرده‌هێنینه‌وه. یاد و بیره‌وه‌ری شه‌هیدانی قاره‌مانمان پێشه‌نگی تێكۆشانی ئازادیمانه".
ژ.ت / هـ.ب
