فرات گیزلنچ (سیدار فارقین) گەریلای هەپەگە لە ئەنجامی هێرشی ئاسمانی سوپای تورکیای داگیرکەر لە رۆژانی ١٤-١٥ی تشرینی یەکەمدا لە شرنەخ دا شەهید بوو. تەرمەکەى لەلایەن بنەماڵەکەیەوە لە ناوچەی فارقین-ی ئامەد بەخاکسپێردرا.

بنەماڵەی گیزلنچ دوێنێ لە دوای ئەوەى ئاگاداربوونەوەیان لەوەى، کە رۆڵەکەیان شەهید بووە بۆ وەرگرتنەوەى تەرمی رۆڵەکەیان چوونە شاری شرنەخ و سەردانی داواکاری گشتییان لە شرنەخ کرد.

دوای ئەوەی داواکاری گشتی رەزامەندیی پێدان، بنەماڵەکەی بۆ دەستنیشانکردنی تەرمەکە چوونە نەخۆشخانەی حکومیی شرنەخ و دوای ئەوەی بنەماڵەکەى تەرمەکەیان دەستنیشان کرد، تەرمەکە ڕادەستی بنەماڵەکەى کرایەوە.

دوای ئەوەى بنەماڵەکە تەرمەکەیان وەرگرتەوە بۆ بە خاکسپاردنی تەرمەکە بەرەو ناوچەی فارقین بەڕێکەوتن. بنەماڵەکە ئێوارە  گەیشتنە فارقین و لە مزگەوتی حافیز هۆجا لە گەڕەکی قولفای فارقین لە ژێر گەمارۆی پۆلیسدا ئەرکی ئاینییان جێبەجێ کرد و پاشان لە ژێر گەمارۆی پۆلیسدا تەرمەکەیان بردە گۆڕستانی گەڕەکی قولفا.

ئەندامانی خێزان و سەدان کەس بەشداری مەراسیمی بە خاکسپاردنەکە بوون. تەرمی گیزلەنچ لەژێر گەمارۆی پۆلیس و زرێپۆشدا بەخاک سپێردرا.

ژ.ت