ئەرداڵ ئیپەر هاوسەرۆکی رێکخستنی هەدەپەی بازارجخی مەرەش بەهۆی جەڵتەی دڵەوە گیانی لەدەستدا. تەرمی ئیپەر لە گۆڕستانی تۆرۆلەری گەڕەکی کزرلی بازارجخی مەرەش بەخاکسپێردرا. ژمارەیەک پەرلەمانتار و ئەندامانی هەدەپە و خانەوادەکەی و دۆستانی بەشداریان لە رێورەسمی بەخاکسپاردنیدا کرد.

لەگەڵ ئەوەی بەهۆی بومەلەرزەکەوە زیانێکی زۆری بەرکەوتبوو، لە رۆژی یەکەمی کارەساتەوە لە ناوەندی هەماهەنگی بازارجخ کاری دەکرد و لە ٨ی ئازاردا جەڵتەی دڵ لێیدا.

لە رێورەسمی بەخاکسپاردنیدا، زەینەب ئۆزەن هاوسەرۆکی هەدەپە قسەی کرد و وتی، " لە یەکەم رۆژی بومەلەرزەکەوە ئیپەر لە ناوەندی هەماهەنگی قەیراندا کاری کرد. هاوکاری هاوڵاتیانی کرد، بارهەڵگرانی هاوکاری دادەگرت. سەردانی گوندەکانی کرد. بۆ گەلەکەمان ئازار و رەنجێکی زۆری بینی. ئێمە دەمانەوێت گەردنمان ئازا بکات. گەردنیشی ئازا بێت."

دواتر سەرەخۆشی لە خانەوادەی ئیپەر کرا و پرسەی بۆ دانرا.

ف.ق