تەرمی حسێن ئاراسان لە پزیشکی دادی سلێمانیەوە بە بەشداری سەدان کەس و بە وتنەوەی دروشم وەرگیریەوە و بەمەبەستی ئەنجامدانی مەراسیم گواسترایەوە بۆ مزگەوتی ئەحمەدی حاجی عەلی.

دوای گەیشتنی تەرمەکە بە مزگەوتی ئەحمەدی حاجی عەلی لەوێ مەراسیمێک سازکرا.

لە سەر ناوی رێکخراوەکە موسا خالید وتەیەکی پێشکەش کرد و سەرنجی بۆ سەر تیرۆرەکانی دەوڵەتی تورک راکێشا. موسا خالید وتی، ئەوان پەنابەری سیاسین و رەخنەی لە میدیاکانی نزیک لە پەکەکە گرت کە ئەوان دەکەنە ئامانج و وتی، "ئێمە پەنابەری سیاسین، سیاسەت دەکەین. دەبێت دەستبەجێ بکوژان بدۆزرێنەوە و لێپرسینەوەیان لەگەڵدا بکرێت".

دواتریش لەسەر ناوی کەنەکە د. شێرکۆ حەمەئەمین قسەی کرد و هێرشەکەی شەرمەزار کرد و داوای لە نەتەوەیەکگرتووەکان و دەسەڵات کرد کە بکوژان بدۆزنەوە و بەر بە هێرشی لەم جۆرە بگرن.

بێ پسانەوە دروشمی 'شەهید نامرن' و 'تۆڵەسەندەوە' دەوترایەوە.

دوای مەراسیمەکە تەرمی شەهید بە کەژاوەیەکی دەیان ئۆتۆمبێلی بە دروشمی 'شەهید نامرن' بەرەو قەندیل بەڕێکرا.

هـ . ب