ئێران هاوڵاتییەکی کوردی بە ناوی عیرفان عیرفانی کوشت
هاوڵاتیەکی کورد بە ناوی عیرفان عیرفانی خەڵکی سەقز لە ئەنجامی تەقەی هێزەکانی ئێراندا کوژرا.
بە پێی ڕاگەیەندراوی کۆڵبەر نیوز، هاوڵاتیەکی کورد بەناوی عیرفان عیرفانی (٣٨ ساڵ) خەڵکی سەقز لە ئەنجامی تەقەی ڕاستەوخۆی هێزەکانی دەوڵەتی ئێراندا کوژراوە.
بەگوێرەی ڕاگەیەندراوەکە، دوای ئەوەی هێزەکانی ئێران ئۆتۆمبێلی ئەو هاوڵاتییە کوردە بە ئامانج دەگرن، ئۆتۆمبێلەکەی وەرگەڕاوە و شۆفێری ئۆتۆمبێلەکە بەناوی عیرفان عیرفانی دەستبەجێ گیانی لەدەستداوە.
