هامسەرۆکۊو گرڎیی کەجەکەی بەسێ هۆزاتە جە مەدیا خەبەر تیڤیۆ هۊرسەنگنایش پەی مژارەکا؛ گوزارشتەی سیاسی ڕابەر ئاپۆی پەی کۆنگرەو ١٢ـەمینو پەکەکەی و پرۆسەو ئاشتی و گلېرگەی دیموکراتیکی و دەسوەردای هێزە هەژموونگەراکا جە دۊڵەت-نەتەوەی، هرووژمەکې سەرو ئۆپۆزسیۆنی، قڕکەردەی سروشتی و گلېرگەی کەرد.

پوختەو هۊرسەنگنایەکا بەسێ هۆزاتې پی جۊرەنې:

بەسۍ هۊزاتە جە جوابو پرسیارەو وەڵاکەردەیۆ بەڵگەکا کۊنگرەو ١٢ و پەکەکەی و گوزارشتەو سیاسی ڕابەر ئاپۊی و ئا هرووژمو ڕەخنې کە جە دیدگاو ڕابەر ئاپۊی گیریۍ پی جۊرە واتش،"  مانیفیستۆ، گوزارشتە سیاسەکۍ ڕابەر ئاپۆی کە پێشکەش بە کۆنگرەیش کەرڎ فرە گرنگە بۍ. چڼین حەقیقەتې تاریخیێش وستې ڕووە و چنیچش هۊرسەنگنایش پەی کەردې و بەپاو حەقیقەتی تاریخش سەرجەنۆ نویستۆ. هۊرسەنگنایەکێش بیۍ بە مانیفیستۆیۍ. بێگومان گفتوگۆی فرەش شۊنەو ۋێشەرە ئارڎ. بڕې چا گفتوگۆیاما لا میاوە، بێگومان بە داتاو گفتوگۆکا نمەزانمۍ. ڕەخنە هەن. جە ئاستو هۊرسەنگنای و فیکرەکا ڕابەرایەتینە بڕې هۊرسەنگنایې بێ ئەخلاقانە، نادادپەروەر، بێویژدانی جە ئاستو هرووژمکەردەکەینە بێنې. ئینیشا گرڎی رەخنە مکەرمې، بە ڕاسشا نمەزانمۍ. ئاڼنەی گێڵانۆ پەیما بەشێوە چانیشا ئی ڕەخنا گێرانە خاینەکێنې، ئانێنې کە تەمەنشا نۆکەرینە بەسەر بەردەن، ئانێنې کە دژمنایەتی گەلەکەو ۋێشا کەردەن. ڕۊشنا ئانەی کەردەنشا پەی شارتەیۆ پیسییەکا ۋێشا و تۆمارە خراپەکاشانە. ئانەی ڕابەر ئاپۆ جە گوزارشتە سیاسییەکێشەنە مکەرۊش هۊرسەنگنای مژارگەلېوەن جە سەردەمو کۆمینیۆ تا ئیساتې، ساڵ بە ساڵ وردبیەنۆ سەرش هۊرسەنگنایشا پەی مکەرۆ.

هۊرسەنگنایې نیا تازە بۆ، بە تایبەت جە مانیفیستۆو شارستانیەتی دیموکراتیکینە، جە وەرگرینامەو بەرگو پەنجینە ڕابەر ئاپۆ پېوەس بە عەلەویەتی، تاریخو کوردا، مارکسیزمی، تاریخو ژەنې هۊرسەنگنای فرە قوڵ و ورد هەن کە جە هۊرسەنگنایەکا ئیساتێچ وردتەرا. ڕابەر ئاپۆ بە ڕوانگێوە دیالێکتیکی گۊرۆ و ۋەرفراوانۆ هۊرسەنگنایش پەی تاریخو مرۆڤایەتی ، تاریخو گەلو کوردی، تاریخو گەلا، تاریخو ژەنا کەردەن. من ئیساتې بە ناسنامەو ژەنې، کورد، سۆسیالیست و عەلەویۆ قسې مکەرو؛ کاتێ پی ناسناماوە مانیفیستۆکەی موانووە هێز و وزێوە ناوازە هۊرگێرو جۊشو خرۆشم پنە مڎۆ. پۊکەی دەربارەو هۊرسەنگنای پېوەس پی ناسناماوە هیچ حەڵت ۋەنایۆیې نمەوین و قەناعەتیچم پاسەنپەی گرڎو هەڤاڵا تەریچم هەمان چێوا، بێگومان رەنگە چی بەینەیچەنە بڕۍ ڕەخنې و هۊرسەنگنایۍ با".

بەسێ هۆزاتە: هۊرسەنگنای ڕابەر ئاپۆی سەرو عەلەوییەکا درووسا

دەربارەو هۊرسەنگنای ڕابەر ئاپۆی سەرو عەلەوییەکا و تاریخو عەلەویەتیی، بەسێ هۆزات واتش: " بە دڵنیاییوە هۊرسەنگنای ڕابەر ئاپۆی سەرو عەلەوییەکا درووسا و ڕاسا. بە تایبەت ئا هۊرسەنگنایې کە ڕابەرایەتی سەرو عەلەوییەکاش مکەرۆ، هۊرسەنگناین پەی عەلەوییە کوردەکا. باوەڕو کوردی عەلەوی باوەڕو ڕاو حەقینە. بنەڕەتەکەش گێڵۊوە پەی زەردەشتی. بنەڕەتەکەش گېڵۊوە پەی ئەوەمەڼەکا جەمەو نیلۆتیکی و سروشتی. عەلەویەتو کوردی، یانی باوەڕو ڕاو حەقی باوەڕې سروشتییا، باوەڕێوە ئیکۆلۆژییا، کاریگەرییە زیڼەکېش فرە فرێنې.

فرە بە سەریحی متاوو ئینەی واچو؛ جە لایەنو ئیتحاد تەرەقیوە عەلەویێەتێوە ناڕاس نوویسیاوە، بە تایبەت جە ١٠٠ پەی ١٥٠ ساڵانە بە تایبەت هەرمانە سەرو ئانەی کریێنە عەلەویەتی کوردی تاویۆوە. هەوڵشا دان کەراشا بە تورک. ئی هۊرسەنگنایې فرە درووسێنې. بێگومان هەر جە زاوڵەیمۆ ئینەی مزانو؛ ئەڎام و تاتەم جە ویسەکا سەدەی وېیەردەینە جە ئەڎۍ بیێنې. تاتەم جە وەختو کۆمکووژی دێرسیمینە ژیۋای هامژینیش پێکئاورد، یەرۍ زاوڵې و هامژینێوەش هەنە. بابام جە کۊمکوشی دێرسیمینە کوشیا. وەڵې کۆمکووژییەکانە چاندو عەلەویەتی فرە بەهێز بۍ، چا ئاستەنە نەتاویابێوە. پا کولتوورەیۆ گۊرۍ بیەیمې. بە چاندو عەلەویەتی و کوردییوە گۊرې بیەیمۍ. پۊکەی فرە بە ئاسانی متاوو واچو؛ جە پیرە پیایەکا دێرسیمی پەرسدۍ، سەرەتا ماچا 'من کوردمانجەنا، کورمانجەنا، ماچۆ کورمانجی زوانما'."

جە بەردەمی هۊرسەنگنایەکاسەنە بەسێ هۆزاتە ئینەشە وات: " بەهەمان شێوە، جە بوارو چینایەتینە. بەڵێ ڕابەر ئاپۆ سەبارەت بە مارکسیزمی جەمې هۊرسەنگنایې سەرنجڕاکێشې مکەرۆ. ڕابەرایەتی مایەپووچبیەو سۆسیالیزمی بنیاڎنریایچ بە وردی پی جۊر هۆرمسەنگنۆ. ماچۆ، ' هۊرسەنگنای گرڎوو کێشەکا سەرو بنەماو چینایەتی، سۆسیالیزمش بەرەو مایەپووچی بەرڎ'. بەڕاسی پاسەن. مەگەر تاریخو مرۆڤایەتی بە چینایەتی دەسشپنەکەرڎ؟ یووەم ناکۆکیی تاریخی ناکۆکیی بەینو ژەن و پیایا. ئینە حەقەتینا. یووەم کۆمەڵایەتیبیەی بریتییا جە کۆمەڵایەتیبیەو دەوروبەرو ژەنې، کۆمون، کڵان. دماتەر پیا جە ۋەرا ۋەرو ژەنێنە ۋێش بەڕێکوستەی کەرڎ، دەسشا سەرو گرڎو بەهاکا چوارچێوەو کۆمەڵایەتیبیەو ژەنێرە گێرت، باڵادەسیشا سەرو کۆمەڵایەتیبیەو ژەنێرە وەشکەرڎ و پی جۊرە یووەمین ناکۆکیی تاریخی سەرش هۊردا. پی جۊرە چینایەتی وەش بی، چینایەتییەکۍ وەشۍ بیۍ. ڕابەرایەتی کاتێ باسو ئینەی مکەرۆ، ناکۆکییەکا ڕەڎ نمەکەرۊوە.

نکۆڵیش چنە مەکەرۆ. بەپێچەوانۆ ڕابەرایەتی هەمیشە بەپاو تاریخی ڕاسی و وەڵېکۊتەی ئی مژاریە وزۆ ڕووە و هۊرش سەنگنۆ. هەمیشە برەوش بە ئەوەکۊشای چینایەتیچ دان. بەڵام ئانەی گرنگا، ئەوەکۊشای و ناکۆکیی جە ما بەینو کۆمون و دەوڵەتینە واتا جە ما بەینو ئا کۆمەڵایەتیبیەی جە لایەنو ژەنێوە بنیاڎنریا و ئا سیستەمە دەسەلاتدار-دەوڵەتەی جە لایەنو هزرو باڵادەسی پیایۆ وەشکریان وەشبیەن. ڕابەرایەتی ئەوەکۊشای تاریخی گێڵنۊوە پەی ئینەی و بێگومان ئانەیچ ڕاسا.

ڕابەر ئاپۆیچ ئاماژە پانەی مکەرۆ، جە حەقەتینەنە مارکسیچ جە دمادماییەکانە سەرو ئی بنەمایا ئەوەکۊڵیاکەش وەڵې گنۆ، هۊرسەنگنایەکێش وەشې بیۍ. سەرو کۆمونو پاریسی نویستەنش و گفتوگۆش کەرڎەن. کۊتەن مقارنەکەردەی بڕې چێوا بەڵام نە تەمەن، نە داتا و نە ڕاسیی ئا سەردەمەیە دەفەتشا پینەی نەڎان.

پی مەعنې ڕابەر ئاپۆ ئاماژە پانەی مکەرۆ کە بەشداریی مارکسی، لینین و ئەنگڵسی پەی ئینسانییەتی بەڕاسی بەهای فرێشا هەنە و بڕواش چانێنە کە سەر و بنەماو ئا سەرنج و تەماشەکەردەی ئەوەکۆشایێ بەهێزو کۆمەڵایەتی وەش بییەن، کە گەلوو، ژەنی و ئینسانییەت بەشێوێ فراوان ئەوەکۆشایشا کەردەن و جە ئەنجامەنە بەهای فرە گرنگشا بەدەسئاردەن. ئا بابەتەی ڕابەرایەتی ڕەخنەش چنە گێرۆنە ئانە نییا. وەر و ئانەی، پەنەوازا  بەتایبەتی پەنچ بەرگەکەو خەباتو ڕابەرایەتی و مانیفێستۆ جەلایەن و ئا لایاناوە ونریۆوە و هورسەنگنای وەرفراوان سەر و پارێزنامەکا کریۆنە. ئینە پاسە مکەرۆ کە ئەنجامی ڕاستەر و تەندروستتەر بەدەس بێنە.

هەرپاسە چی پڕۆسە و دماینە، بڕێ پەیامێ چەمپنکەوتەکا بیێنێ ڕۆژەڤ. واچا کە قسێش سەر کریۆنە. ئاماژە پانەی کریۆنە سەر و جولەکەکا گفتوگۆی وەرفراوان کریۆنە. ڕابەرایەتی جە مانیفێستۆ و شارستانیەتو دیموکراتیکی و پارێزنامەکا تەریشەنە سەرش لوا هورسەنگنای فرە گرنگ مکەرۆ. هورسەنگنا و ئیسەیچ، بەدەر نیا چانەی.

من پێشنیار مکەر و کە ئا لایەنێ نەیاوێنێنە، بە مشتومڕی ناحەق و جۆراوجۆر هورسەنگنای مکەرا، با واوەی پارێزنامەکا ڕابەرایەتی واناوە. با واناشۆ. هەڵبەتە بەدرێژایی تاریخی پەیوەندیی جووی جە هەمبەرو گەلوو کوردی فرە وەڵکەوتەن. ئارێ هەمیشە گرنگیشا بە پەیوەندییەکاشا چنی کوردی دان. تەنانەت بڕێ جە سەرچەمەکا جووەکا ماچانە کە قەومێوە شاراوەیشا هەن و ئا قەومەش کورد-جوونا. جە تاریخەنە باسو ئینەی کریۆنە. مەگەر هەرگیز کوردی جووما نییا؟ بێگومان هەنما.  بەتایبەتی جە موسڵ، پانیشت و جۆلەمێرگەنە مژیوا. پێسە و فرە جە گەلا تەری، دلێ کوردیشەنە گلێرگەی جووان بییەن. بەتایبەتی جە ئەوەکۆشای دژو دیکتاتۆریەتو سەدامینە جە پانیشتوو کوردەسانینە جووەکێ پەی پڕۆسەو فدراسیۆنی پەشتگیرییێ گۆرە و کوردیشا کەردەن. ئی حەقیقەتە ئێمە مەواچمێش، تاریخ منویسۆش. حەقیقەتەکێ ئینێنێ.

کورد جە ناوچەکەنە هێزێوە ستراتیژین. هەر هێزێ پەیوەندی چنی کوردی بەهێز بکەرۆ، ڕێکەوتەی بکەرۆ و پەیوەندیدار بۆنە، ئانە تاوۆنە جە ناوچەکەنە باڵادەس بۆنە. جەلایەن و هێزی سەرەکی و ستراتیژو ناوچەکەی، پەیوەندیە ستراتیژی و هاوپەیمانییەکێ کە چنی کوردی بنیادنریێنێ دەورێ کاریگەرشا هەن. جە ئیسەنە گرڏ ئی حەقیقەتەی وینا. تورکیاش جەبارەو ئی حەقیقەتەی گفتوگۆ مکەرۆ. مەگەر هەرگیز گفتوگۆ مەکەرۆ؟ گفتوگۆ کەرۆ. یۆ جە مەڵامەتە گرنگەکا ئی پڕۆسەیە ئی گفتوگۆنی. لایەنێوە ئاشتی و گلێرگێوە دیموکراتیکیش ئینەن. سەر و ئینەی ئیسرائیل، عەرەب و فارسیش جە گفتوگۆنە بەردەوامێنێ.

پەیوەندیی کورد و فارسیش کۆن و تاریخییا. پەیوەندی کوردی چنی تورکیش گێڵۆوە پەی هەزاران ساڵی. پەیوەندی چنی جووەکا گێڵۆوە پەی هەزاران ساڵی. ئیسە کە ڕابەر ئاپۆ ئی حەقیقەتەی بە سیاسەتا ڕوانەی بەسۆوە و هەڵیدەسەنگێنێ چی ئنە ڕووبەڕوو ناڕەزایی و کاروەدای بۆوە؟ ئینە ڕاس نییا. پەنەوازا ڕاستەوخۆ و بەشێوێوە بیرمەندانە جە تاریخی نزیک کریۆوە. پەنەوازا بەشێوێوە دیالێکتیک پەیوەندی دروس بۆنە. پەنەوازا بە سۆسیۆلۆژیاو تاریخی پەیوەندی وەش بۆنە. پا مانێ من ئا کەسەی وانووە کە ڕاستەر نزیک بۆوە.

هۊرسەنگنایەکې بەسێ هۆزاتې سەرو مژارەکا پرسو هرووژمو سەرو ئۆپۊزسیۆنی و جەنگو ئیسرائیل-ئێرانی و هەرپاسە هەڵوێسو کوردا سەرو پشێویەکا و ئا قڕکاریەی سەرو سروشتی ئەنجام مڎریۆ و سەرو ساڵیاڎو گەشمەرڎەبیەو گەشمەرڎە پێشەنگی و گەشمەرڎە زیلانۍ پی جۊرەنە:

پېوەس بە هرووژمەکا سەرو ئۆپۆزسیۆنی

بەسۍ هۊزاتە ئەرەیاۋناش،" هرووژمەکې پەی سەرو ئۆپۆزسیۆنی بە سەختی بەردەوامێنې. ئینەیچ ئانەی نیشانە مڎۆ کە ئی دەسەڵاتە بە جددی جە پرۆسەکەی نزیک نمەبۆوە. ئانەی نیشانە مڎۊ کە چارەسەری جددی نییا، پلانێوە جددیە پەی دیموکراتیزەبیەو تورکیای نییا، پڕۆژە و سیاسەتێوە پی جۊرەشە نیا.

ئەەر جە ئەستەنبوڵەنە فاشیزم بۆ، جە ئامەدەنە دیموکراسی نمەبۆ. ئەر جە تورکیانە فاشیزم بۆ جە کوردەسانەنە پرسو کوردی بە شێوێوە دیموکراتیک چارەسەر نمەبۆ. جە کوردەسانەنە دیموکراسی نمەبۆ. ئینە محاڵە. ئی فشارۍ سەرو ئۆپۆزسیۆنی جە فرەو لایاوە نیگەرانیشا چنە گنۊوە. واتە دەسەڵات کە نیازش خراپ نەبۆ چی ئا جۆرە هەرمانا مکەرۆ؟ ماچۆ، جە شارەوانییەکا جەهەپەینە هەرمانۍ ناڕێکې هەنۍ. ئې خاسا جە شارەوانیەکا ئاکەپەینە نیەنې؟ پێشنیار مکەرو: با کۆمیسیۆنێوە سەربەخۆ ئەرەمەرزیۆ. چی کۆمیسیۆنە سەربەخۆنە پەنەوازا ئەندامو گرڎو لایەنەکا بۆنە. بازنە یاساییەکۍ یان دیموکراتیک چڼین ئینسانې بەشدارې ئا کۆمیسیۆنەیە با. با ئا کۆمیسیۆنە دەس بکەرۊ بە ئەوەکۊڵیای جە هەرمانە ناڕێکەکا ئاکەپە و جەهەپەی و گرڎو شارەوانییەکا ئۆپۆزسیۆنی. با گرڎو شارەوانیەکا وزۆ چێرو ئەوەکۊڵیای. با ئەوەکۊڵیای بکەرۆ. بزانمۍ ئی ئاژە چنین بۆ؟

کوردەسانەنە دیما وەڵتەر جە ڕاو قەیومیۆ دەسشا سەرو شارەوانییەکا هەدەپەیرە گېرتەبۍ. ئیساتێچ هەمان سیاسەت بەردەوامە. پرۆسەو ئاشتی و گلېرگەی دیموکراتیکی دەسش پنەکەرڎەن. ڕا پەی دیموکراسی، سیاسەتی مکەرۆوە. مشۊم ئۆپۆزسیۆن، گرڎو گلېرگەی خاوەنداری چی پرۆسەیە بکەرۆ پەی ئانەی سەرگنۆ. جە پرۊسێوە پی جۊرەنە بەش بەش بیێوە گۊرە مکەرۆ. دلۍ ئۊپۊزسیۊنیچەنە ئینەی مکەرۆ. دلې گلېرگەینە دژبەریۍ قووڵ مکەرۊوە. جە ۋەرا ۋەرو پڕۆسەکەینە ناڕەزایی گۊرە وەش مکەرۆ. بۆ بە مەڵامەتو نیگەرانی. دماتەر ماچۆ، 'ئی پرۆسەیە ڕاوەبەر مکەرو. تورکیایێوە بێ تیرۆر...' چی قسې 'تورکیای بێ تیرۆر'یە عال میاومێنە کە چ مەغزێوەشا هەن. بە هرووژمەکاشا پەی سەرو ئۆپۆزسیۆنی نیشانەش مڎا کە چ جۆرە مەغزێوەشا هەن. ماچو، بەیدۍ هۆش. ئیتر نمەتاودۍ کوردی فریو بڎەیدې. ئا کاتە سەرشی. بەیدۍ سەرو ڕای ڕاسې. فرت و فێڵ مەکەردۍ.

فاشیزم جە تورکیانە، مەڵامەتی سەرەکیی بەهێزبیەو پرسو کوردین جە تورکیانە. ئینە سیاسەتو قڕکەردەیا، سیاسەتو نکۆڵیکەردەی و دلېنەبەردەیا. ڕاو دیموکراتیزەبیەو تورکیای بێگومان بە چارەسەری دیموکراتیکی کوردی موېیەرۆ. بە دڎانیایپۊرە بە شناسنامەو کوردیرە موېیەرۆ. تورکیا پی جۊرە متاوۆ دیموکراتیک بۆ. بە خاوەنداریکەردەی ئۆپۆزسیۆنی چی پرۆسەیە، بە خاوەنداریکەردەی تەمامو گلېرگەی بۆ. تۆ گرڎو ئینشا سەرکوت مکەری. تۆ وزیشا چێرو تنوتیژیێوە گۊرەیۆ. مەشۊم ئۆپۆزسیۆن ئی حەقەتینیە بوینۆ و نەگنۆ دامەکێوە. ئینە پرۆسێوە گرنگا. ڕەنج و کۊششی گۊرەو ڕابەر ئاپۆی هەن. تەڤگەرو ئازادی، کورد، هێزە دیموکراسییەکې، ژەنیچ ڕەنجی فرشا کێشتەن. ڕەنج و ئەوەکۊشای گۊرە هەن. بە ڕاسی پەی ئانەی ئی پرۆسە فاڕیۆ پەی پرۆسەو چارەسەری، مەشۊم گرڎ کەسۍ بە بەهێزی خاوەنداریش چنە بکەرۆ، ئەوەکۊشای گۊرە بکەرۆ و ئەوەکۊشایۍ یۊگێرتە ڕاوبەر بکەرۆ. ئینە فرە گرنگا.

پېوەس بە جەنگو ئیسرائیل-ئێرانی

ئیسە ئێرەکە کۆتەن دلێ هەرێمەکەی. ونی مچیۆنە. واتە کاولکاری ئیکۆلۆژی گۆرە هەن، تاڵانکەردە و سروشتی؛ شارەکێ دلێنە مشا. سەرچەمەکێ گلێرگەی بۆمبواران کریانە. مەترسیدارا.

ئی ڕووەدایێ تازێ نییەنێ. جە حەقیقەتەنە ئی پرۆسە جە جەنگو کەنداویۆ دەسش پنەکەرد. پرۆسێوە کە جە ساڵە و ١٩٩٠ دەسش پنەکەرد. هەنگام بە هەنگام بەردەوام بی. دەسوەردای جە عێراق، دەسوەردای جە ئەفغانستان، هرووژم پەی سەر و غەززەی (٧و تشرینو یوەمی)، دما و ئانەی هرووژم پەی سەر و لوبنانی، سووریای، جەنگو دلینەی جە سووریا، جەنگێوە کە ساڵانێوەن بەردەواما... ئیسەیش ئا ڕووەدایێ جە ئێرانەنە ڕووەمرانە درێژەپێدەر و ئی پرۆسەینە کە جە ساڵە و ١٩٩٠ی دەسش پنە کەردەن. دلێ ئینەیشنە پیلانگێڵی مییاننەتەوەییش هەن. ئی پڕۆسە پەرەش پنە دریا و دماتەر بە خێرایی دەسوەردای جە هەرێمەکەنە کریا.

ئینە قۆناغێوە فرە گرنگا کە هێزە مییاننەتەوەییەکێ، سیستەمو هەژموونی، سیستەمو هەژموونو سەرمایەداری، دەستوەردایشا جە هەرێمەکەنە کەرد. واتە ئی پرۆسە مشۆم پێسە و قۆناغێوە فرە گرنگو جەنگو جەهانی یەرەمی پێناسە کریۆنە. هەرێمەکە سەر جەنۆ دیزاین کریۆوە. سەر و بنەماو بەرژەوەندی سەرمایەو هەژموونوازی، سەرمایەو جەهانی، ئیمپریالیست و سەرمایەداری سەرجەنۆ هەرێمەکەی دیزاین مکەراوە.

حەر پۆکەی چنی سەرجەنۆ دیزاینکەردەیۆ هەرێمەکەی سەر و بنەماو بەرژەوەندی سەرمایەو هەژموونوازی جەهانی، فۆرمێوە تازە دیاری کریۆنە، سیستەمو دۆڵەت-نەتەوەو فاشیستی، پارێزگاری هورشانۆوە. وەر و ئانەی ئی پێکئامێ دۆڵەتی خزمەت بە سیستەمو سەرمایەو هەژمونوازی ئیسەی مەکەرۆ، زەرەرش پنەیاونۆ. حەر پۆکەی هورشنیۆوە.

ئیسە یۆ جە قاچەکا ئینەی ئێرانا. مشۆم چی چوارچێوەنە دەسوەردای جە ئێرانەنە هورسەنگیۆنە. دەسوەردای جە ئێرانی دەستوەردانێوە چانە نییا کە تەنیا وەر و ئانەی ماچۆنە 'چەکی ئەتۆم بەرهەم مارۆنە' ئەنجام دریۆنە. ئینێ پاساوە نییەنێ. بەهەمان پاساو دەسوەردایشا جە عێراقەنە کەرد.

دەسوەردای بنەڕەتی ئینا سیستەمەنە، دەسوەردای ئینا ڕژێمەنە. ئێرانەنە، سیستەم و سیستەمو دۆڵەتی سەرجەنۆ بنیادنریۆوە. ئینە ڕۆشنا. سەرە و تورکیای مێ. بەمەڵامەتو ئی جۆرە پێکئامایەو سستەمیۆ، بارگرانییا پەی سیستەمو هەژموونوازی ئیمپریالیستی جەهانی. وەر بەستێوە وەردەمو سەرمایە و جەهانینە. ئارێ با جۆرە ویناش.

سەرەتا جە لیبیانە دەسش پنەکەرد، سووریا، عێراق، ئیسەیش ئێران. حەر پۆکەی مشۆم بە شێوێ وەرفراوانتەر تەماشە و پرسەکەی بکەرمێ. ماچابە 'دیدگاو ماکرۆ'. ی ئینە حەقیقەتو بابەتەکەین. کەواتە ئی جەنگە جەنگو دیزاینکەردەیۆ ئێرانیا.

ئی ڕژێمە دما و ئی دەسوەردایە سەر و پەیا ۋێشۊ مەنۆوە، پەی ماوێوە فرەی نمەتاوۆنە سەر و پەیا وێشۊ مردۆنە. یاوان ئا ئاستە. کریۆنە سەر و پەیا وێش مەنۆوە، بەڵام فرە لاواز بۆنە، جە دۆخێوە لاوازەنە درێژە بە تەمەنو وێش مرۆنە؛ بەڵام دماتەر فاریۆنە، ناچارا فاڕیۆنە. سیستەمەکە وردە وردە ئەنجامێوە چی جۆرە نیشانە مرۆنە.

ئینەیچ کاریگەریش سەر و تەمام و هەرێمەکەی بۆنە. هەرپاسە ئەمریکا بە ڕەسمی بەشداری جەنگەکەیش کەردەن. حەر جە سەرەتاوە دەسوەردایێ جە وەرکەوتوو مییامینی بە سەرمەشقایەتی ئەمریکای، بەریتانیا و ئیسرائیلی بێ.

جە ئەنجامو ئی دەسوەرداینە گەرەکشانە ئیسرائیلی بکەرا بە هێزو هەژموونوازی هەرێمەکەی کە هێزو ناوەکی مۆدێرنیتو سەرمایەدارییا. گەرەکشانە ئیسرائیلی پێسە و هێزێوە هەژموونوازی جە هەریمەکەنە جێگیر بکەرا. ئینەیچ ئاشکران. پۆکەی کاریگەری ئیسرائیلی سەر و تەمامو هەرێمەکەی زیاڏ بۆنە. کاریگەری ویلایەتە یۆگێرترکا ئەمریکای (DY)، بەریتانیا و وەنیشتی جە هەرێمەکەنە بڕێ زیاتەر بۆنە. وە دۆڵەت، سیستەمو سیاسی جە وەرکەوتوو مییامینی گرڏشا تێکەڵ بە سیستەمو جەهانی کریانە. ئامانجەکە ئینەن. پەی ئانەی ماڕاشاوە دلێ سیستەمەکەی. وە ئینەیچ کاریگەریش سەر و عێراقی بۆنە.

عێراق ئینا دلێ گێجاوێوەوە گۆرەینە. مەتاوۆنە وێشش ڕزگار بکەرۆ. ئی گێجاوێ جە عێراقەنە قووڵتەرە بۆوە. کریۆنە جەنگو دلینەی دەس پنە بکەرۆ. جە هەرێمەکانە دۆخەکە بە هەمان شێوەن. ئەر تورکیا پرۆسەو ئاشتی و گلێرگە و دیموکراتیکی بە شێوێ دروست هورسەنگنۆنە، هەنگامەی پراکتیکە نەنیۆ کاریگەرییێ فرەش سەر و تورکیای بۆنە و بە ڕاسی ئی پرۆسە دماو ئێرانی جە تورکیاشەنە دەس پنە مکەرۆ. حەر پۆکەی ئی پرۆسە گرنگا.

هەرپاسە جە دلېینەو ئێرانینە کارگەو وۆرک شۆپیشا وەش کەرڎ. دەیان هەزار سیخوڕێشا بە ڕێکوستەی کەردۍ. جە دلېینەنە جە دلې دۆڵەتینە دلۍ ڕژێمینە سیخوڕشا دەسکۊتەن. کۆنترۆڵشا کەردەن، پېسە 'ئەسپو تراودە'ی.

ئەر ئێران سیاسەتێوە دیموکراتیکش بە بنەما گێرتۍ، ڕیفۆرمی بنەڕەتی دیموکراتیکش جابەجێ کەردەبیۍ، جوابو داخوازییەکانی ژنانی دابایەوە، وەڵامی داخوازییەکانی کورد، بەلوچ و هەموو گەلانی دابایەوە، وەڵامی داخواکاریەکا گرڎو چین و توێژەکا گلېرگەیش دابیێوە، دیموکراتیک بیۍ، ئایا دەیان هەزار سیخوڕې جە دژو ئێرانی هەرمانە کەرێنې؟ ئایا دژمنایەتیش کەرێنې؟ مۆساد، سی ئای ئەی، میت - گرڎ جۆرە هەواڵگریێوە - تاوۍ جە دلېینەنە ئەرەگیرش بکەرۆ؟ تاوێنې دەس سەرو وڵاتیرە گێرانە؟

جەنگەکە جە بنەڕەتەنە دڵێینەنە لواڕاوە. ئەوەتەقایۍ فرۍ جە دلېینەنە ئەنجام دریې. بێگومان فڕۆکە جەنگییەکې ئیسرائیل، ئەمریکای هرووژمشا کەرد، بەڵام تیرۆری فرە جە دلێنە کریا. سەرەتا جە سوپاو پاسداراوە، کادرە ئایدۆلۆژییەکې ئا سیستەمەیە تەسفیەکریې، دلېنە بریۍ.

چێنە گەرەکما سەرنجی تایبەت وزو سەرو تورکیای: وڵاتێوە کە خاوەن پێکئامایې سیستەمو دەسەڵاتداری تاکپەرەسیا، فاشیستا، نەژاڎپەرەسی هەرێمییا، تورکیایې کە دۊڵەتێوە دۊڵەت-نەتەوەییا. مشۊم ئەنجامش چنە گێرۊ.

ئیساتۍ پەی نموونەی ئاژێوە فرە مەترسیڎارو خراپبیەی موینیۆ. دژایەتی ۋەرنیشتی جە ئێرانەنە فرە گۊرەن، بەڵام ئینە پا مەعنې نیا کە هەمیشە پی جۊرە بەردەوام بۆ. ئی ڕژێمە دلې گلېرگەینە ناڕەزایبیەی و توڕەیی گۊرەش وەشکەرڎەن. پۊکەی محاڵا سەرو پەیاوە مەنۊوە. ئەر مەنۊیچۆ محاڵا پەی ماوێوە فرەی مەنۆوە.

پېوەس بە ۋەرکۊتوو کوردەسانی؛ گرنگی یەکڕیزی نەتەوەیی

بەسێ هۆزاتە؛ یەکڕیزی و برەودای بە یۊبیەی نەتەوەیی جە ۋەرکۊتوو کوردەسانینە فرە گرنگا

بەسێ هۆزاتە جە درێژەو هۊرسەنگنایەکاشەنە سەرنجش وست سەرو کۊششو پەژاکی و هەرپاسە گرڎو ئا بانگەوازیێشە بە ئەرێنی هۊرسەنگنۍ کە جە لایەنو پارت و لایەنەکا ۋەرکۊتوو کوردەسانیۆ پەی یەکڕیزی نەتەوەیی کوردی کریۍ. هەرپاسە جەختش چانەی کەردۆ کە پەنەوازا ئا بانگەوازیۍ بە کردەیی هەرمانەشا سەر کریۆ.

هۊرسەنگنای بەسێ هۆزاتې دەربارەو شێوازو و چنین بیەو کوردی جە ۋەرکۊتوو کوردەسانینە پی جۊرەنە: "جە ۋەرا ۋەرو ئی ئاژەینە کورد هەڵوێسو ۋێش دیاریکەردەن. بێگومان کورد پەشتی بە هێزو ۋېڕاوەبەری بینۆنە، ڕێکوستەی ۋېڕاوەبەری و پارېزنای ۋېڕاوەبەری. کورد بە متمانە، پەشتی بینای چەمەڕاکەردەو هێزێوەتەری نمەتاوۆ بیە و ئازادی ۋێش مسۆگەر بکەرۆ و پارێزنۊش.

با جە سەرەتاوە ئینەی دیاری بکەرو، ئینە فرە گرنگا؛ ستراتیجو ئەوەکۊشای کوردی دیارا. ستراتیجو نەتەوەی دیموکراتیکیا، ئەنەیاواین جە نەتەوەی دیموکراتیکی. کورد خاوەن ئەنەیاوای و پڕۆژەو پېوەرە ژیۋایا چنی گرڎو گەلا.

هەرپۊکەی جە ئەرەیاۋناکەو پەژاکینە ئینە بە ڕۊشنی دیاریکریابۍ. بە ستراتیجێوە چامنە ئەوەکۊشای ڕاوەبەر مکەرمې. پۊکەی هەوڵ مڎەیمې چنی گرڎو گەلا ئێرانی و کوردەسانی ئەوەکۊشایې هامبەش، ڕێکوستەیۍ هامبەش و ۋێپارېزنایۍ هامبەش ڕاوەبەر بکەرا. تەنیا پی جۊرە متاوا ۋێشا پارېزنا و بیە و ئازادی ۋێشا مسۆگەر بکەرا. ئینە گرنگا.

بێگومان کورد هێزێوە فرە گرنگ و ستراتیجیا چی هەرێمەنە. کورد تاوەکو ئا حەدە بەڕێکوستەی بیەن، ئەوەکۊشایې ڕێکوستەیی ڕاوەبەر مکەرۆ و باوەڕش بە هێز و ئەوەکۊشای ۋێش هەن، چی جەهانەنە ئەوەکۊشۆ، چی هەرێمەنە مژیۋۆ. کورد مافو سیاسەتیچش هەن، مافو دیپلۆماسیچش هەن. کوردیچ سیاسەت مکەرۆ، دیپلۆماسیەت مکەرۆ، پەیوەندی ستراتیجی و کۊششو هامپەیمانی ڕاوەبەر مکەرۆ. پەیوەندی تاکتیکی چنی گەلی و گلېرگە مەدەنییەکا پەرەپنەمڎۆ و هەوڵمڎۊ ئیسفاڎە جە پەیوەندییە تاکتیکییەکا هۊرگێرۆ. واتە ئی ئاژەیە هۊرسەنگنا؛ چنی متاوا پەی ۋێشا و پەی گلېرگەی هۊرش سەنگنا؟ متاوۆ ئیسفاڎە چانەی بکەرۆ و هەڵوێسەش سەر مکەرۆ، بەپاو پلانې ئینەی مکەرۆ، سیاسەتەکا پەرەپنە مڎۊ، هەنگامەی پراکتیکیە منیۆ و بە ڕێکوستەی بۆ. ئی چێوا مکەرۆ."

درێژەو هۊرسەنگنایەکەو بەسێ هۆزاتې پی جۊرەنە:

"یەکڕیزی نەتەوەیی جە ۋەرکۊتوو کوردەسانینە گرنگا

ئاڼنەی چەمڎاری و شۊنیرەلوای مکەرمې، ئامادەکارییەکې ڕۊشنێنې و بەشداریکەردەیشا چی مژارەنە هەن. تاوەکو هرووژمشا نەکریۆ سەر ئاڎۍ هرووژم نمەکەرا. ۋێشا پارېزنا و هەوڵ مڎا بیەی و ئازادی ۋێشا سەرو پەیا ۋێشاوە بازاوە و پارێزنۆشا، بەڵام هەر هێزێوە هرووژم بکەرۊ سەرشا، جوابێوە کاریگەر مڎاوە و جە دژش ئەوەکۊشای مکەرا. ئینە ئەنەیاوای بنەڕەتی ئەوەکۊشای کوردین. نزیکایەتی و ئەرەیاۋناکې کورداو ۋەرکۊتوو کوردەسانیما جە نزیکۊ دیې، دیما نزیکایەتی ئاڎیشایچ پی جۊرەنە. جە ۋەرکۊتوو کوردەسانینە یۊبیەی نەتەوەیی فرە گرنگا، کە ئینە بە گرڎی پەی کوردەسانیچ پەیوەندیدارا. ئینە فرە گرنگا پېوەرە کۊشش بکەرا، بە سیاسەت، ئەنەیاوای و نزیکایەتی هامبەش پەرەپنەبڎا و ڕاوەبەرش بکەرا ئی پڕۆسە فرە گرنگا.

چی مژارەنە بانگەوازی جۆراوجۆرو ڕێکوستەکا ۋەرکۊتی بې. نمەبۆ ئی بانگەوازیې هەر جە ئاستو قسانە مەنۊوە. پەنەوازا بە کرداری ئەنجام بڎریۆ. مەشۊم جە ما بەینو ڕێکوستە کوردیەکانە هەڵوێ و پراکتیکی یۊبیەی نەتەوەیی بەرگنۆ. ئینە گرنگا. کاریگەری ئینەی فرە گۊرە بۆ جە سەرکۊتەی کوردینە. ئینە گرڎو کوردی گېرۊوە. چی پڕۆسەنە یۊبیەی نەتەوەیی کوردی فرە گرنگا. هەڵوێسی نەتەوەیی فرە گرنگا. بەڕاسی ئینە ئیسفاڎێوە فرەش پەی کوردی بۆ. چی مژارەنە مەشۊم جە گرڎ شۊنێنە هەوڵەکې پەرەشا پنە بڎریۆ. بڕې کۊشش کریان، فرە سەنگینا. چی پڕۆسەنە چن ڕوۍ چێوەڵی جە پانیشتوو کوردەسانی کۆنفرانسو یۊبیەی نەتەوەیی ژەنا کوردی ئەنجام دریا. کۊششێوە فرە گرنگا. وەڵتەر جە شۊنەمای تەریچەنە ئەنجام دریا. جە چڼین شۊنێنە ورۆک شۆپ و گلېرۊبیەی جۆراوجۆرۍ ئەنجام دریې. جە قامیشلۆنە کۊششو نەتەوەیی کوردا ئەنجام دریا. مشۊم ئینۍ گرڎ شۊنێنە پەرەشا پنە بڎریۆ فاڕیا پەی یۊبیەی و کۆنگرەو نەتەوەی کوردی بە گرڎیی. ئینە پڕۆسێوە تاریخیا. کورد مەشۊم پێشوازی جە پەرەپنەدای نەتەوەیی بکەرۆ و چینەیچ دەسکەوتی گۊرۍ بە دەسمارا."

ئەوەکۆشای دژ و ماددەی هۆشبەری و تاڵانکەردەی سروشتی

کوردەسانەنە تاڵانیی گۆرە هەن، تاڵانکاریی سروشتی هەن. قڕکەردەی و دلێنە بەردەی سروشتی هەن. ئینەیش کوردەسانەنە پێسە و بەشێوە جە سیاسەتو قڕکەردەی پەرەش پنە دریۆنە. تورکیا و گرڏ یاگێ جەهانینە ئینە هەن. بەتایبەت جە کوردەسانەنە فرە زیاتەرا. چی ڕوانگە و ئەوەکۆشای هەن. گرڏ ئاگێنە ناڕەزایەتی نیشانە دریۆنە. جە دژو  سەرچەمە سروشتییەکا، وێستگەو کارەبای، بەنداو و تاڵانکاری سروشتی...

ئیسە فرە و یاگانە دەسشا کەردەن بە دایوەنە و بیرێ. خەریکو بەر ئاردە و نەوتێ، گازینێ. سروشتشا تاڵانکەرد. قڕکەردێوە چانەن. ئی ناڕەزایەتییێ کەمێنێ. مشۆم نارەزایەتی بەهێزتەر نیشانە دریۆنە. مشۆم دژو قڕکەردە و سروشتی بە یاواینە و وێپارێزنای گرڏ یاگێنە ئەوەکۆشای بەرمێ ڕاوە. دێرسیم، بۆتان، سەرحەد گرڏ یاگێنە بە بەهێزی ئەوەکۆشای کەرمێنە. هەمان سیاسەت جە مێڏانو گلێرگەینە ئەنجام دریۆنە. ماددەی هۆشبەر، لەش ورەشی، سیخوڕیی، ئینێچ فرێنێ. هەمیشە باسو سیاسەتی مکەرمێ، بەڵام جە پەرسە کۆمەڵایەتییەکانە دۆخێوە هەن کە تاومێنە نامێش بنییەیمێ گەنگرین. هرووژمو جەنگو تایبەتی زیاڏش کەردەن. سیاسەتو قڕکەردە و گلێرگەی پێسە و سیاسەتو جەنگی تایبەتی ئەنجام دریۆنە. ئیسە چی بابەتەنە هەڵوێسێوە هۆشیاری، ڕێکوزتەی و وێپارێزنای هەن، بەڵام پارچە پارچە و پەرش و بڵاو و لاوازا. پەنەوازیش بە بەهێزکەردەی هەن. پەی نمونەی جە دژو ماددەو هۆشبەری چن یاگێنە ڕاپیمای ئەنجامدریا. ئینەیش مانادارا.

بەڵام پەنەوازا ئی هەستیارییە زیاتەر پەرەش پنەدریۆنە، گرڏ و کوردەسانینە وەڵاکریۆوە، جە تورکیانە وەڵاکریۆوە، کەرۆنەش ئەوەکۆشایێ کۆمەڵایەتی هامبەش و ئەوەکۆشای وێپارێزنای. پەی نموونەی توندوتیژییێ ترسناک جە وەراوەر و ژەنا هەن، پاسە نییا؟ توندوتیژییێ فرەلایەنە هەن. جە وەراوەر و ئینەینە وێپارێزنای ژەنا فرە گرنگا.

ئەوەکۆشای ڕێکوزتە و ژەنا فرە گرنگا. ئەوەکۆشای یۆگێرتە و ژەنا فرە گرنگا. واتە مشۆم گرڏ و ئا ئەوەکۆشایا یاونمێ دۆخو ئەوەکۆشاییێ یۆگێرتەی و هامبەش، وسیانە دۆخو وێپارێزنای و سەر و ئی بنەمێ ئەوەکۆشای هۆشیار و ڕێکوزتەی ملۆڕاوە.

خەباتو پەروەردەیی فرە گرنگا. چی بابەتەنە هۆشیاری، پەروەردەکەردە و گلێرگەی، پەروەردەکەردە و زاڕۆڵا، پەروەردەکەردە و جوانا، پەروەردەکەردە و ژەنا و ڕێکوزتەی فرە گرنگا. پەنەوازا ڕێکوزتەی چنی پەروەردەی، چالاکییەکێ چبی پەروەردەی پێوەرە ئەنجام دریانە. ئینەیچ مشۆم بەهێزتەر بریۆڕاوە. خەباتەکێ ئیسەیش فرە ئێژانێ. بەڕاسی پیرۆزش مکەرمێ، بەڵام پەنەواز مکەرۆ ئینێ بڕێ زیاتەر بە بەهێزی بریا ڕاوە.

پێوەس بە چالاکیی هەڤاڵ زیلانې

هەڤاڵ زیلانە بە ڕێز و وەشەویسی و پنەزانای فرە یاڏ مکەرمێوە. هێڵە و هەڤاڵ زیلانێ پەی ئەوەکۆشای ئازادیی ژەنێ هێڵە و ئازادینە، مانیفێستۆو ئازادییا. من ئارەزوو ئازادی، گێڵای ئازادی، هەڵوێس، فیداکاری، فیاداییەتی، دڵسۆزی و هەڵوێسو ژیوای هەڤاڵ زیلانێم کەمێ جە نزیکۆ ئشناسان.

هەڤاڵ زیلانە خاوەن کەسایەتییێ بەپلان، بەدیسپلین، سەر و ئامانجو وێش سوورە و تا دمای بە ئایدیا بێ. حەر وێش شێوازو یاوایشەنە جە حەقیقەتو ڕابەرایەتی بێ کەموکوڕی بێ. دڵسۆزیی ئارێ پەی ڕابەرایەتی بێسنوور بێ. ئارە هەڵوێس و هێڵێوەنە کە پەنەوازا هەڤاڵا ژەنێ، گەلوو ئێمە، گلێرگە و ئێمە و ئانێ کە ئەوەکۆشای ئازادیی مکەرا کەراش بنەما.

پەنەوازا سەر و هێڵە و ئەوەکۆشای ئاشتی و گلێرگە و دیموکراتیکی بە ئایدیایێ گۆرە، قەرار دار، ئارەزوو ئازادی، بەشداریی بەرز جە حەقیقەتو ڕابەرایەتی، بەشداریی ڕاست و دڵسۆزیی بەرا ڕاوە و بەدڵنیاییۆ یاوناش سەرکۆتەی.

ئێمە چی مانگێند فرە گەشمەرڏێ گۆرێما دێ. ئارێش سەر و هێڵە و زیلانێ ئەوەکۆشایی گۆرەشا کەرد، وەرەنگاربییەیۆ و بەقارەمانی گەشمەرڏەبییەی. هەڤاڵ سەما یوجە، هەڤاڵ فلیز یەرلیکایا(گوڵان)، هەڤاڵ بێریڤان زیلان، هەڤاڵ ڕاپەڕین ئامەد، هەڤاڵ لەیلا وان، جە ساڵەکا سەرەتاو ئەوەکۆشای وەڵینیمانە هەڤاڵ خانم یاڤەرکایە. سەر و هێڵە و هەڤاڵ زیلانێ، با ڕووح و بڕوێ ئوەکۆشا و بە قارەمانی گەشمەرڏێ بیێ. هەمڕێ کە ئارەزوو و دڵسۆزیشا پەی ئازادی، ئایدیا و قەرارداری ئەوەکۆشای بەهێز بێ.

دیسان چی مانگێنە هەمڕێ پیێما هەنێ کە بە قارەمانی گەشمەرڏێ بیێنێ. هەڤاڵ هەڵمەت (دیار غەریب) کە جە کۆنسەو سەرۆکایەتیی کەجەکەینە بێ. ساڵانێوە دوورودرێژ پێوەرە هەرمانەما کەردە. بەڕاسی هەمڕێوە فرە ئێژا بێ. یاواینەیش جە ڕابەرایەتی فرە بەهێز بێ. هەستەکێ وڵاتپارێزیش فرە قووڵێ بێنێ. کوردەسانی بێ. بەڕاسی هەمڕێوە فرە دروس و پاک بێ. ئاڎیچ بە ڕێز و وەشەویسی و پنەزانایې گۆرۊ یاڏ مکەرمێوە.

سیمبولو هێڵە و یۆبییە و نەتەوەیی کوردەسانین. پەنەوازا سەر و هێڵە و د. سیروانەکا، هەڵمەتەکا و ڤیانەکا خەبات و یۆبیەی نەتەوەیی وەڵێ وزیۆنە.

ئینە فرە گرنگا. بەهەمان شێوە هەمڕا فازڵ بۆتانیچ چی مانگێنە گەشمەرڏە بی.

هەمڕا عەلی پڵنگ و هەمڕا فەرهاد سپی گەشمەرڏێ ئی مانگێنێ. گرڏشا بە ڕێز وەشەویسی و پنەزانای گۆرۊ یاڏې  مکەرمێوە. پەی ئانەی ئەوەکۆشاکەیشا سەر وزمێ بە گرڏ و هێز و وزەیماوە تاوەکو دما هەناسە هەوڵمڎەیمێ، کۆشش بکەرمێ و بەدڵنیاییۆ سەرش وزمێ."