نوسینگەو ئەرەیاونا و دەم پارتی ئەرەیاوناش، شاندو دەم پارتی بە سەرۆکایەتی هامسەرۆکو گرڏی دەم پارتی تونجەر باقرخانی دمایش بە گلێرۆبییەکاش ئارد جە ئاڵمانیانە. شاندەکە هەر ئارۆ پەی هەمان مەبەسی ملۆنە ئینگلتەرا.
نوسینگەو ئەرەیاونا و پارتو یەکسانی و دیموکراسی گەلا (دەم پارتی) پەیوەس بە گلێرۆبییەکا دەم پارتیی کە جە وڵاتا ئەورووپای بەرۆش ڕاوە ئەرەیاونێوەش وەڵاکەردۆ.
جە ئەرەیاوناکەینە ئاماژەش پانەی دا، شاندەکەو دەم پارتی بە سەرۆکایەتی هامسەرۆکو گرڏی دەم پارتی تونجەر باقرخان و شاندەکەی یاوەری دمایش بە گلێرۆبییەکاش ئارد کە چن ڕوێن جە ئەڵمانیانە چنی پارت و لایەنەکا پەرلەمانو ئەڵمانیای ئەنجامش دێنێ.
ئاماژەش پانەی کریان جە چوارچێوەو گلێرۆبییەکانە شاندەکەو دەم پارتی پەیوەس بە 'بانگەوازو ئاشتی و گلێرگە و دیموکراتیک'ـی ٢٧و شوباتو ڕابەر ئاپۆی چنی ئا لایەن و پارتا قسێ کریێنە هەرپاسە دەم پارتی داواش چا لایەن و پارتا کەردەن پشتگیری بکەرا جە بانگەوازو ئاشتی و پرۆسەکەی.
قەرارا هەر ئارۆ شاندەکەو دەم پارتی بە هەمان مەبەس بلانە ئینگلتەرا و جە ٢٦-٢٧ـی مانگێنە چن گلێرۆبیێوە چنی پارت و ڕێکوزیا مەدەنییەکا ئەنجام دۆنە.
