شاندێوە مېیاننەتەوەیی، جە چوارچێوەو ئا پرۆسەینە کە بە بانگەوازو ٢٧و شوباتو ڕابەر ئاپۆی دەسش پنەکەرڎ، ملۆنە ئیستەنبوڵ. شاندەکە پەی ماوەو ٢ ڕوا گلېرۊبیەی مکەرۆ و داواکاری ڕسمی پێشکەش مکەرۆ پەی ئەنجامدای دیداری چنی ڕابەر ئاپۆی.
جە چوارچێوەو تاوتوۍ کەردەی ئا پرۆسەینە کە بە بانگەوازو ٢٧و شوباتو ڕابەر ئاپۆی دەسش پنەکەرڎ، شاندێوە مېیاننەتەوەیی کە جە نزیکەو ٥٠ کەسا نامیەی پێکمۍ، ملۊنە ئیستەنبوڵ.
شاندەکە بە ڕۆژەڤو پرۆسەکەی ملۊنە ئیستەنبوڵ، چی شاندەنە کەسانې ئەکادیمیې و سەندیکایې و ئەندامې ڕێکوزیاو گلېرگەی مەدەنی و پارێزنەرې و پەرلەمانتارې و زانا و فێمێنیستې و نوویسەرې و ئەوەکۊڵیەرې و سەرۆک شارەوانییەکې نەمسا، ئەڵمانیا، ئیتاڵیا، ئیسپانیا، کەتەلۆنیا، فەرەنسا، سویسرا و ژاپۆنی، بەشدارێنې چنەش.
سەردای و گلېرۊبیەو شاندەکەی جە ١ و تەمموزیوە دەس پنە مکەرۆ. شاندەکە سەرەتا سەرۋنەو نووسینگەو یاسایی سەدەی مڎۆ و چنی پارێزنەرا ڕابەر ئاپۆی گلېربۆوە. دماتەر ئیستەنبوڵەنە چنی هامسەرۆکو گرڎیی دەم پارتی تونجەر باقرخانی گلېربۆوە، چەمەڕا مکریۆ چی گلېرۊبیەینە پەیلواکاشا ئاڵوگۆڕ بکەرا.
شاندەکە ٢ۍ تەمموزی جە هیل ئوتێلۊو تەقسیمی ئەرەنیشتێوە سازمکەرۆ. چەمەڕا مکریۆ جە ئەرەنیشتەکەینە گرڎو بەشدارا قسې بکەرا و پەیلوا و پێشنیارەکاشا دەربارەو پرۆسەکەی وزانە ڕووە. چەمەڕا مکریۆ دماتەر نەخشەڕێوە دەربارەو پرۆسەکەی وەڵا بکەراوە.
هەرپاسە شاندەکە جە چوارچێوەو هەڵمەتۆو "گەرەکما دیدار چنی ڕابەر ئاپۆی ئەنجام بڎەو" داواکاری ڕسمی پێشکەش مکەرۆ پەی سەر ۋنەداو ئیمراڵی.
