پارێزەر جاهید ئەرتان ئەوەی خستەڕوو کە ئەگەر ئەوە هەیە چالاکی مانگرتن لە زیندانەکان، وەک رابردوو، کێشەی گەورە لەگەڵ خۆیدا بهێنێت و داوای لە حکومەتی تورکیا کرد، داواکاری زیندانیانی سیاسی جێبەجێ بکات.

جاهید ئەرتان ئەندامی پلاتفۆرمی یاساناسانی ئازاد و پارێزەر بۆ ئاژانسی هەواڵی فورات (ANF) قسەی کرد و وتی، "داواکاری سەرەکی، هەڵگرتن گۆشەگیریە. پەیوەندیەکانبە دەرەوە دەپچڕێنرێن، بە تەنهایان دەهێڵنەوە. یەمەش، سزای ناو سزایە و پێشێلکردنی مافە بنەڕەتیەکانی نێودەوڵەتی و یاساکانی تورکیایە. بۆ مافێکی بەم شێوەیەی یاسایی و رەوا، زیندانیەکان دەست بە چالاکی مانگرتن لە خواردن دەکەن."

پێویستە حکومەت وڵام بداتەوە

پارێزەر ئەرتاش راشیگەیاند، بە بیانووی پەتای کۆرۆنا، گۆشەگیری گەیشتووەتە لوتکە و وتی، "بەرلەوەی چالاکی مانگرتن لە خواردن بکەوێتە قۆناغێکی دیکە، پێویستە وڵامیان بدرێتەوە. زیندانیان بۆ ئەوەی ئاماژە بە بابەتێک لەناو زیندانەکاندا بکەن، دەستیان بە مانگرتن لەخواردن بە شێوەیەکی کاتی و دەوری کردووە، بەڵام ئەگەر هەنگاوی جددی نەنرێت، دەست بە چالاکی مانگرتنی بێدەم و بێدەوری دەکەن کە رۆژوی مردنی پێدەگۆترێت. بۆیەش پێویستە حکومەت هەنگاو بنێت."

پارێزەر ئەرتان ئاماژەی بەوەدا، لە یاسادا باسی سزادان دەکرێت، سزادان لە دەرەوەی یاساکان، پێشێلکردنی مافەکانی مرۆڤە و وتی، "پێویستە لە دەرەوە، خاوەندارێتی لە چالاکی مانگرتن لە خواردن بکرێت. زۆر گرنگە کە هێزە دیموکراتەکان بە شێوەیەکی بەرپرسیارانە بجووڵێنەوە."

ف.ق