ته‌رمی ٧ گه‌ریلای هه‌په‌گه كه له ئه‌نجامی شه‌ڕی سوپای توركیای داگیركه‌ر له كاتی جیاوازدا له ئامه‌د، لجه، هێنێ و پاسوور ژیانیان له‌ده‌ستداوه، چه‌ندین هه‌فته‌یه له نه‌خۆشخانه هێڵدراونه‌ته‌وه و ڕاده‌ستی كه‌سوكاریان نه‌كراونه‌ته‌وه.
به گوێره‌ی زانیارییه‌كان ته‌رمی ٧ گه‌ریلای هێزه‌كانی پاراستنی گه‌ل - هه‌په‌گه و یه‌كینه‌كانی ژنی ئازاد - یه‌ژا ستار چه‌ندین هه‌فته‌یه له نه‌خۆشخانه‌ی غازی یاشارگیلی په‌روه‌رده و لێكۆڵینه‌وه‌ی ئامه‌د هێڵدراونه‌ته‌وه.
ناسنامه‌ی ئه‌و گه‌ریلایانه وه‌هایه:
فرات تاشچی (كۆچه‌ر چیا) و فه‌تحوڵا ئه‌جه‌ر (رۆگه‌ر) ١٨ی حوزه‌یران له هێنێ، هیڤیدار تورك (ده‌ڤریم ئامه‌د) ٢٥ی ته‌مووز له پاسوور، ئه‌حمه‌د دۆراك (شاهین نۆرشین ئاڤێستا) و ئازاد-یش هه‌فته‌ی ڕابردوو له لیجه، شه‌هید بوون. ناسنامه‌ی ٢ گه‌ریلاش هێشتا ڕوون نه‌بووه‌ته‌وه.
هه‌رچه‌نده دووشه‌ممه‌ی ڕابردوو ڕاگه‌یه‌ندرابوو كه ته‌رمی ئه‌حمه‌د دۆران ڕاده‌ستی كه‌سوكاری ده‌كرێته‌وه، به‌ڵام هێشتا ڕاده‌ست نه‌كراوه.
s.m
