هاوسەرۆکایەتیى دەستەى بەڕێوەبەریى کەجەکە لەبارەى شەهیدبونی عەبدولقادر ئاسلان (شاهین دیجلە)، کە رۆژی ٥ی تەمموزی ٢٠١٩ / ١٤ی پووشپەڕ لە قەندیل لەگەڵ دیار غەریب (هەڵمەت) ئەندامى دەستەى گشتیى سەرۆکایەتیى کەجەکە شەهیدبوو راگەیاندراوێکى بڵاوکردەوە.
لە راگەیاندراوەکەى هاوسەرۆکایەتیى دەستەى بەڕێوەبەریى کۆما جڤاکێن کوردستان (کەجەکە)دا هاتووە "هەڤاڵ شاهین هەموو کات بەپێى رۆڵی جەنگاوەربوون و پێشەنگبوونی خۆی جوڵاوەتەوە. لە ناو تێکۆشانی پەکەکەدا بە رەنجێکى زۆر خۆی پێگەیاند، لە فیداکاری و میلیتانبوون دا پێشەنگێکى نمونەیى بوو".
لە راگەیاندراوەکەى کەجەکەدا هاتووە:
"هەموو گەلیک، هەموو شۆڕشێک قارەمانیى خۆی دەئافرێنێت. بزووتنەوەى پەکەکەش بە ئافراندنى دەیان هەزار قارەمان شۆڕشی گەلان بەدی دەهێنێت. هەر میلیتان و جەنگاوەرێکى پەکەکە بە ئومێد و خەونی وڵاتێکى ئازاد دەبنە خاوەنی خوڵقاندنی ساتە مێژووی و شۆڕشگێڕییەکان.
هەڤاڵ شاهین-یش لە تەمەنی گەنجیدا لە راستیى دوژمن تێگەیشت و سیاسەتى سڕینەوە و نکۆڵیکردن و توانەوەى قبوڵ نەکرد و بەشداری ریزەکانى گەریلا بوو. هەڤاڵ شاهین لە تێکۆشانی پەکەکەدا و لەو تەمەنە گەنجەیەدا خۆی زۆر پێشخستبوو. بوو بووە کەسایەتییەکى نمونەیى، کە لە رۆح و ورەى بەرخودانى ناوچەی سووری ئامەدەوە هەڵقوڵابوو.
هەموو کات رۆڵی پێشەنگ و میلیتانبوونی بەجێ دەهێنا و لە ناو تێکۆشانی پەکەکەدا بووە خاوەن رەنجێکى گەورە و لە فیداکاری و میلیتانبووندا بووە نمونە بۆ هەڤاڵەکانى. هاوڕێمان شاهین بە رەنجدەر، خاکی بوون و کەسایەتییە بەرز و تێگەیشتووەکەى دەناسرا. هەموو کات خاوەنی رۆح و ورەى بەرخودان بوو.
پلانى سڕینەوە و پاکتاوکردنى دژ بە گەلی کوردی قبوڵ نەکرد، هێڵی میلیتانبوون و فیدایى بوونی پێشەنگی پەکەکەى جێبەجێ دەکرد، بووە میلیتانێک و رۆڵەیەکى شکۆ و کەرامەتى گەلەکەى و بەو شێوەیە ناوی خۆی لە مێژوودا تۆمارکرد. هاوڕێ شاهین ناوی خۆی لە یادداشتەکانی بەرخودانى مەزڵومەکان، کەمالەکان، زیلانەکان و بێریتانەکاندا نووسی و چووە ریزی کاروانى نەمرانەوە. بە هێزی فیکر و خەون و تامەزرۆییەکانیەوە و بە پێداگرییەوە، مسۆگەرکردنى سەرکەوتنى وەک ئەرکێک بۆ هاوڕێیانى بەجێهێشت. سەرکەوتن، بەڵێن و سوێندمانە بۆ هەموو شەهیدەکانمان".
ر.م
