لە ئەلکێ ٨ کەس بە لێدان و ئەشکەنجەکردن دەستگیرکران
یەکە تایبەتەکانى پۆلیسی دەوڵەتى تورک لە ناوچەى ئەلکێى شرنەخ هەڵیانکوتایە سەر چەندین ماڵی هاووڵاتییان.
یەکە تایبەتەکانى پۆلیسی دەوڵەتى تورک لە ناوچەى ئەلکێى شرنەخ هەڵیانکوتایە سەر چەندین ماڵی هاووڵاتییان.
پۆلیسەکان لە هەڵکوتانە سەر ماڵی هاووڵاتییاندا، ٨ هاووڵاتییان بەشێوەى توندوتیژانە و بە لێدان و ئەشکەنجە دەستگیرکرد.
٢ کەس لەو دەستگیرکراوانە لە ماڵەکانى خۆیاندا نەخۆش بوون و لە کاتى وەرگرتنى چارەسەری دا بوون.
پۆلیسەکان لە دواى پشکنینى ماڵەکان هەر یەک لە عەگید دورموش، عەزیز ئایکوت، رەمەزان ئایکوت، شەعبان چۆکدۆغان، شوکرو گیوڤەن، عەلی ئاکداغ، ئەکرەم یگیت و سەلیم ئەبی-یان دەستگیرکرد. س.ی تەمەن ١٧ ساڵ بەهۆی توندوتیژی و لێدانى پۆلیسەکانەوە جەستەى شین و مۆر بووەتەوە.
پۆلیسەکانى دەوڵەتى تورک لە هەڵکوتانە سەر ماڵەکاندا هەر یەک لە هاووڵاتییان رەمەزان و عەزیز ئایکوت کە تووشبووی نەخۆشیى شێرپەنجە بوون و لە ماڵەکانى خۆیاندا چارەسەرییان بۆ دەکرا، دەستگیریان کردن.
هەر یەک لە رەمەزان و عەزیز چارەسەری کیمیاییان بۆ دەکرا. سەرباری ئەوەش کەسە دەستگیرکراوەکانیان برد بۆ بەڕێوەبەرایەتیى ئاسایشی ئەلکێ و تاوەکو ئێستاش هۆکاری دەستگیرکردنەکەیان نەزانراوە.
ر.م