هشار ئۆسال پاڵێوراوی هەدەپە بۆ هاوسەرۆک شارەوانیى شرنەخ لەبارەى ئامادەکارییەکانى بۆ هەڵبژرادن و پرۆژەکانییەوە قسەى بۆ ئاژانسى هەواڵی فورات (ANF) کرد.

ئۆسال هێشتا تەمەنى کەمبوو، کە باوکی لەلایەن دەوڵەتى تورکەوە کوژرا. دوای ماوەیەکیش دایکى لەلایەن پۆلیسەوە تەقەى لێکرا و کوژرا.

ئۆسال رایگەیاند، گوشار و ملهوڕیى دەوڵەت هەموو کاتێک لە کاتى هەڵبژاردنەکاندا زیاتر دەبن و گەلیش لەسەر سندوقەکانى دەنگدان وەڵامى پێویست بەو گوشار و ملهوڕییانە دەدەنەوە.

ئۆسال راشیگەیاند، سەرباری ئەوەى لەسەر دەستى قەیومەکان زیانێکى زۆر بە شارەوانى گەیەندراوە، بەڵام بە دروستکردنى بەڕێوەبەرییەکى فیداکار و بە پشتیوانى گەل کێشەکان چارەسەر دەکەن.

"ئێمە دەزانین چۆن سەربکەوین"

ئۆسال باسی ئەوەیکرد، دەرفەتى سەرکەوتن لە گۆڕێدایە و وتیشی "ئێمە ئەوە بەکاری بەرهەمهێنان ئەنجام دەدەین. ئێمە نەتەوەیەکى بەرهەمهێنین. لە هەموو ئاست و گۆڕپانەکاندا رێگا بۆ بەرهەمهێنان خۆش دەکەین. بۆ ئەوەش پەیمانگەیەک دروست دەکەین".

ئۆسال ئاماژەى بە پیت و بەرەکەتبوونی هەرێمەکە کرد و ئەوەشی وت "لە رووی دەوڵەمەندییەوە سەر زەوی و ژێر زەویمان زۆر دەوڵەمەندە و خاکەکەشمان زۆر بە پیت و بەرەکەتە. ئەو دەوڵەمەندییە بە هیچ شێوەیەک بەکارناهێنرێت و سوودی لێوەرناگیرێت. چونکە بناغە و بیناسازیى بۆ دروستنەکراوە. من لە ناو ئەم گەلەدا دەژیم و دەزانین چۆن سەر بکەوین".

ر.م