ئەنداماو شاندەکەو مەخمووری کە پەی داواکارییەکا مەخمووری لوې بەغڎا و باڵبەسې کریې دماو ٣٧ ڕوا ئازاڎې کریې، بەڵام ڕاگیری و تەوقەکې حکومەتو عێراق-پەدەکەی سەرو کەمپەکەیۆ بەردەوامێنې.
شاندێوە کەمپو ئاوارەکا گەشمەرڎە ڕۆسەم جودی (مەخموور)ی کە پێکئامێبێنې جە؛ هامسەرۆکو شارەوانی مەخمووری عەبدان یڵماز، ئەحمەد شەهباز و هاموتەواچو کۆمیتەو پەیوەندییەکا جبەری بێوار ئەمین، پەی چارەسەرکەردەی کێشە و گرفتو کەمپەکەی جە ١٤و ئایارو ٢٠٢٥ سەرشا ۋنەو بەغڎای دا ، دماو ئانەی چنی وەزیرو دادی گلېرې بیێوە جە کاتو گێڵایۊیشانە جە لایەنو حکومەتو عێراقیوە باڵبەسې کریې.
هەڵوێسو ئەرەنیشتا مەخمووری و سووربیەی سەرو داواکارییەکاشا
ئەرەنیشتې کەمپەکەی جە دژو ڕاگیری، گەمارۆ و تەوقەکا هەڵوێسشا نیشانەدا و داواو مافەکاشا کەرد، کە یۆ جە داواکاشا وەردای ئەنداما شاندەکەیشا بې، جە ئەنجامو هەڵوێسەکا خەڵکو مەخمووری دماو ٣٧ ڕووا جە دەسسەرەرەگێرتەیشا ئەنداماو شاندەکەی ئازاڎې کریې.
تەوقەو سەرو کەمپەکەی کە جە لایەنو پەدەکەیۆ ڕاوەبەر مکریۆ جە ١٧و تەمموزو ٢٠٢٩یۆ درێژەش هەن، دماتەر جە ١٠و نیسانو ئېساڵیوە حکومەتو عێراقی بە ئابڵوقە وستەی سەرو کەمپەکەی، تەوقەو سەرو مەخمووریش قورستەر کەرڎەن و کاریگەریش کەردەن سەرو ژیۋای ڕوانەو خەڵکو کەمپەکەی.
