وۆرکشۆپو 'راو بەرەوو ئاشتی: ویر و دادپەروەری'، کە جە لایەنو جەمەو مافو مرۆڤی (ئیهەدە) پەی ئاشتیێوە هەمیشەیی سەرو پرسو کوردی ئاماڎەکاریش پەی کریابۍ، جە دووەم ڕۊسەنە جە ناوچەو یەنیشەهیرو ئامەدینە بەردەواما. جە دووەم ڕۆشەنە نوێنەراو ڕێکوزیاکا گلېرگەی مەدەنی گلېرۍ بیێوە. جە وۆرکشۆپەکەنە پەی گلېرگێوە ئاشتیانەی باس جە ڕا و ڕێبازەکا کریا.

ئەرەن کەسکین هامسەرۆکو گرڎیی ئیهەدەی ئەرەیاۋناش کە پېسە پارێزنەرا مافەکا مرۆڤی جە گرڎو بوارەکانە ئاڎې ئاشتی پارېزنا و واتش: "ئێمە ئینایمۍ چې پەی ئانەی قسې بکەرمې و پەی ئانەی بزانمۍ متاومې چېش بکەرمې، هەر جە ئەرەمەرزنای مېیانەکەیماوە بەردەوام خاوەنداریما جە ئاشتی و بێدەنگ کەردەی چەکەکا کەردەن. ڕەنگە ئێمە تەنیا ڕێکوزیا بیمې کە جە نزیکۆ شۊنیرەلوای پەی گرڎ چێوې بکەرمې کە پەیوەندیش بە جەنگیۊ هەن. ئێمە بەردەوام داواو ئاشتیما کەردەن. ئارۊ جارێوەتەر جە زوانو دۊڵەتیوە باسو ئاشتی مکریۆ. چێش بۆ با بۆ، کاتێ گۊشما جە ئاشتی بې، دەسما کەرد بە ۋەرفراوانکەردەی ئەوەکۊشای. ۋەرو ئانەی باسکەردەی سەرو ئاشتی فرە گرنگا.

هەر جە وۆرکشۆپەکەنە هامسەرۆکو گرڎیی ئیهەدەی حسێن کوچوکبالابان ئاماژەش پانەی کەرڎ کە هېزی دیدارێوە گرنگشا چنی بنەیانەکا ئەنجامدان، هەوڵدریا چنی فرەو لایەنەکا دیدار ئەنجام بڎا، بەڵام چی بوارەنە نەتاوییا ئەنجامی عال بەدەسبارا. کوچوکبالابان ئاماژەش بە گرنگی گلېرگەی مەدەنی کەرد جە پرۆسەکەنە و ئەرەیاۋناش کە پېسە گلېرگەی مەدەنی ئاڎۍ تاوتوێ نەخشەڕاکې مکەرا.

گلېرۊبیەو وۆرکشۆپەکەی دور جە چەمو ئەرەیاۋناکاوە بەردەوام بۍ...