لەماوەی شەش مانگەی یەکەمی ئیمساڵدا بەسەدان هیکتارلەدارستانەکانی ناوچەی مەریوان و دەورووبەری ئاگریان تێبەردراوە.ژینگە پارێزان وهاووڵاتیانی ناوچەکە لەسەر ئەوباوەڕەن کە سوپای پاسداران ڕاستەوخۆدەستی هەیە لە ئاگرتێبەردانی دارستانەکانی ناوچەکە.

هەرچەند بەرپرسانی ئیداری لە ناوچەکە هۆكاری سووتانی دارستانەكان بۆ گەرمی کەش وهەوا و ئاگر كردنەوە خەلك لە ناو دارستانەكانە دەگەڕێننەوە، بەڵام هاووڵاتیان و ژینگەپارێزانی  ناوچەکە ڕایانگەیاندووە كە بۆخۆیان بینیویانە كە ئۆتۆمبێلەکانی سووپا پاسدارانی مەریوان چونەتە ناو دارستانەكان و ئاگریان تێبەرداون .

https://mail.google.com/mail/u/0?ui=2&ik=0a1b48a070&attid=0.1&permmsgid=msg-f:1611691796642570190&th=165de126624a9fce&view=att&disp=safe&realattid=f_jm3nf4vu1

ئاگرکەوتنەوە لە دارستانەکانى زاگرۆس رۆژ لە دواى رۆژ روو لە زیادبوون دەکات و ماوەى چەند ساڵێکە بە بەردەوامى ئاگر لە دارستانەکان بەردەدرێت. بە وتەى چەندین هاووڵاتى و ژینگەپارێز و چەندین سەرچاوەى جۆراوجۆر سوپاى پاسداران دەستى هەیە لە ئاگرتێبەردانى دارستانەکانى زاگرۆس و کوردستاندا.

سەرەڕای هەوڵ و تێکۆشانێکی ماندوو نەناسانەی چالاکان و ڕێکخراوە ژینگەپارێزییەکانی شاری مەریوان، بە هۆی نەبوونی کەرەستەی پێویستی ئاگر کوژێنەوە و نەهاتنە هانای دەزگا پەیوەندیدارەکانی حکوومەت لەو شارە، نەیانتووانیوە ئاگرەکە بکوژێننەوە و دوای چەند ڕۆژ هێشتا بەردەوامە، بە گوێڕەی هەواڵەکان تاکوو ئێستا بەدەیان هیکتار لەو دارستان و لەوەڕگەکان سووتاون کە خەسارێکی گەورەیە لە سروشتی کوردستان.

ک٠ش